കോഴിക്കോട്.
രൂക്ഷമായ വന്യമൃഗ ശല്യത്തിൽ പൊറുതിമുട്ടിയ മലയോരമേഖലയിലെ ജനങ്ങളെ രക്ഷിക്കാൻ അടിയന്തര നടപടി സ്വീകരിക്കണമെന്ന് ആവശ്യപ്പെട്ട് കർഷക കോൺഗ്രസിന്റെ നേതൃത്വത്തിൽ ജൂലൈ 22 ചൊവ്വാഴ്ച രാവിലെ10 മണിക്ക് താമരശ്ശേരി ഫോറസ്റ്റ് ഓഫീസിലേക്ക് മാർച്ചും ധർണയും നടത്താൻ ജില്ലാ കമ്മിറ്റിയോഗം തീരുമാനിച്ചു. സംസ്ഥാന പ്രസിഡണ്ട് മാജുഷ് മാത്യു ഉദ്ഘാടനം ചെയ്യും.
ജനവാസ മേഖലയിലേക്ക് ഇറങ്ങുന്ന വന്യജീവികളെ കൊല്ലാൻ സംസ്ഥാനം സ്വതന്ത്ര നിയമനിർമാണം നടത്തണം. ജെല്ലിക്കെട്ട് വിഷയത്തിൽ തമിഴ്നാട് കർണാടക മഹാരാഷ്ട്ര സർക്കാരുകൾ സംസ്ഥാന താൽപര്യങ്ങൾ സംരക്ഷിക്കാനായി കേന്ദ്രനിയമം നിലനിൽക്കെ തന്നെ സംസ്ഥാനതലത്തിൽ സ്വതന്ത്ര നിയമനിർമ്മാണം നടത്തുകയും സുപ്രീംകോടതി 2023 മെയിൽ ഈ നിയമങ്ങൾ ശരി വെക്കുകയും ചെയ്തത് നമുക്കും മാതൃകയാക്കാവുന്നതാണ്.
വനത്തിന് താങ്ങാൻ കഴിയുന്നതിലേറെയുള്ള മൃഗങ്ങളെ ശാസ്ത്രീയമായ രീതിയിൽ ഇല്ലായ്മ ചെയ്തു വനത്തിന്റെ സന്തുലിതാവസ്ഥ വീണ്ടെടുക്കണമെന്നും കൂടുതൽ ഉള്ളതിനെ മൃഗശാലകൾക്കും വന്യമൃഗ കേന്ദ്രങ്ങൾക്കും നൽകണമെന്നും യോഗം ആവശ്യപ്പെട്ടു.
മണ്ഡലം, നിയോജകമണ്ഡലം പ്രസിഡണ്ട് മാർക്കും ജില്ലാ ഭാരവാഹികൾക്കുമുള്ള ജില്ലാ ക്യാമ്പ് ഓഗസ്റ്റ് 8, 9 തീയതികളിൽ നാദാപുരത്ത് നടക്കും.
ജില്ലാ കമ്മിറ്റി യോഗത്തിൽ ജില്ലാ പ്രസിഡണ്ട് അഡ്വ ബിജു കണ്ണന്തറ അധ്യക്ഷം വഹിച്ചു.
N രാജശേഖരൻ,NP വിജയൻ, ജോസ് കാരിവേലി,P ആലി, രാജൻ ബാബു,CM സദാശിവൻ, ദേവസ്യ ചൊള്ളാമഠം, കമറുദ്ദീൻ അടിവാരം,PKC മുഹമ്മദ്,KV പ്രസാദ്,സുനിൽ പ്രകാശ്, സുജിത്ത് കറ്റോട്, തമ്പി പറകണ്ടം,EK നിധീഷ്, റഫീഖ് പുതിയപാലം, സത്യേന്ദ്രൻ പുതിയോത്ത്,RK രാജീവ്, സജിത്ത് കൊയിലാണ്ടി, അഹമ്മദ് കുട്ടി കട്ടിപ്പാറ, ഗിരീഷ് തച്ചംപൊയിൽ എന്നിവർ സംസാരിച്ചു.
റോബർട്ട് നെല്ലിക്ക തെരുവിൽ സ്വാഗതവും ഷാഫി ആരാമ്പ്രം നന്ദിയും പറഞ്ഞു
