ദുബൈ : നവംബര്‍ 26 വെള്ളിയാഴ്ചയിലെ ദുബായ് റണ്ണിന്റെ ഭാഗമായി ദുബായിലെ നിരവധി പ്രധാന റോഡുകള്‍ അടച്ചിടും. ആറ് മണിക്കൂര്‍ വരെ ബദല്‍ റോഡുകള്‍ ഉപയോഗിക്കണമെന്ന് ദുബായ് പോലീസ് നിര്‍ദ്ദേശിച്ചു.
അടച്ചിടുന്ന റോഡുകള്‍
ദുബായ് വേള്‍ഡ് ട്രേഡ് സെന്റര്‍ റൗണ്ട് എബൗട്ടിന് ഇടയില്‍ ദുബായ് മാള്‍ ബ്രിഡ്ജിലെ ആദ്യ ഇന്റര്‍ചേഞ്ച് വരെ ഷെയ്ഖ് സായിദ് റോഡ് പുലര്‍ച്ചെ 4 മുതല്‍ രാവിലെ 9 വരെ അടച്ചിടും. മുകളിലെ ഫിനാന്‍ഷ്യല്‍ സെന്റര്‍ റോഡ് വഴിയുള്ള അല്‍ ഖൈല്‍ റോഡും അല്‍ സഫ സ്ട്രീറ്റ് വഴി അല്‍ വാസല്‍ റോഡും ബദല്‍ റോഡായി ഉപയോഗിക്കാംലോവര്‍ ഫിനാന്‍ഷ്യല്‍ സെന്റര്‍ റോഡ് പുലര്‍ച്ചെ 4 മുതല്‍ രാവിലെ 10 വരെ ഇരുവശവും അടച്ചിടും. അപ്പര്‍ ഫിനാന്‍ഷ്യല്‍ സെന്റര്‍ റോഡ് ബദല്‍ റോഡായി ഉപയോഗിക്കാം.ഷെയ്ഖ് മുഹമ്മദ് ബിന്‍ റാഷിദ് ബൊളിവാര്‍ഡ് രാവിലെ 4 മുതല്‍ രാവിലെ 10 വരെ അടച്ചിടും. പകരം വാഹനമോടിക്കുന്നവര്‍ക്ക് ബുര്‍ജ് ഖലീഫ സ്ട്രീറ്റിലൂടെ പോകാം.സെക്കന്റ് സഅബീല്‍ റോഡിനും ഫിനാന്‍ഷ്യല്‍ സെന്റര്‍ റോഡിനും ഇടയിലുള്ള അല്‍ മുസ്തഖ്ബാല്‍ സ്ട്രീറ്റ് രാവിലെ 6.30 മുതല്‍ 10.30 വരെ അടച്ചിടും. ബദല്‍ റോഡുകളില്‍ അല്‍ സുകൂക്ക് സ്ട്രീറ്റും അല്‍ ബൂര്‍സ സ്ട്രീറ്റും ഉള്‍പ്പെടുന്നു.ദുബായ് റണ്ണില്‍ പതിനായിരക്കണക്കിന് ആളുകള്‍ പങ്കെടുക്കുമെന്ന് പ്രതീക്ഷിക്കുന്നു, കുടുംബങ്ങള്‍ക്കായി പ്രത്യേകം രൂപകല്‍പ്പന ചെയ്ത 5 കിലോമീറ്റര്‍ റൂട്ടും വിനോദത്തിനും പ്രൊഫഷണല്‍ ഓട്ടക്കാര്‍ക്കുമായി 10 കിലോമീറ്റര്‍ റൂട്ടും ഉണ്ട് .മനോഹരമായ മ്യൂസിയം ഓഫ് ഫ്യൂച്ചറിന് സമീപമുള്ള സ്റ്റാര്‍ട്ടിംഗ് ലൈനില്‍ നിന്ന് പുറപ്പെടുന്ന ഓട്ടം ദുബായ് വേള്‍ഡ് ട്രേഡ് സെന്ററിന് സമീപമുള്ള അല്‍ മുസ്താഖ്ബാല്‍ സ്ട്രീറ്റില്‍ ഫിനിഷിംഗ് ലൈനില്‍ അവസാനിക്കും. ഓട്ടത്തിനിടയില്‍ എമിറേറ്റ്‌സ് ടവേഴ്സ്, ഡൗണ്ടൗണ്‍ ദുബായ് എന്നിവയുള്‍പ്പെടെ എമിറേറ്റിന്റെ ചില ലാന്‍ഡ്മാര്‍ക്കുകളും ഓട്ടക്കാര്‍ക്ക് കാണാം. 10 കിലോമീറ്റര്‍ റൂട്ടിലെ ഓട്ടക്കാര്‍ ദുബായ് മാള്‍, ബുര്‍ജ് ഖലീഫ, ഷെയ്ഖ് മുഹമ്മദ് ബിന്‍ റാഷിദ് ബൊളിവാര്‍ഡ് എന്നിവയിലൂടെയും കടന്നുപോകും.
