കോഴിക്കോട്:ഗുണനിലവാരമില്ലാത്തതും വ്യാജമരുന്നുകളും വിൽക്കപ്പെടാത്ത സംസ്ഥാനമെന്ന ഖ്യാതി ഒരു കാലത്ത് കേരളത്തിന് ഉണ്ടായിരുന്നത് സംസ്ഥാനത്ത് കാര്യക്ഷമമായി പ്രവർത്തിക്കുന്ന ഡ്രഗ്സ് കൺട്രോൾ വിഭാഗവും ഉത്തരവാദിത്വബോധത്തോടെ, സാമൂഹ്യ പ്രതിബദ്ധതയോടെ പ്രവർത്തിച്ചിരുന്ന ഔഷധ വ്യാപാര സമൂഹവും കാരണമാണെന്ന് ആൾ കേരള കെമിസ്‌റ്റ്സ് ആൻഡ് ഡ്രഗ്ഗിസ്റ്റ്സ് അസേഡിയേഷൻ(AKCDA) ഭാരവാഹികൾ വാർത്താ സമ്മേളനത്തിൽ പറഞ്ഞു.
മരുന്ന് നിർമ്മാതാവ് അംഗീകൃത – വിതരണക്കാർ – റീട്ടെയിൽ വ്യാപാരികൾ – ആശുപത്രികൾ എന്നിങ്ങനെയുള്ള ശൃംഖലയുടെ പ്രവർത്തന ഫലമായി ഗുണനിലവാരമുള്ള ജീവൻ രക്ഷാ മരുന്നുകൾ സർക്കാർ നിശ്ചയിച്ചിട്ടുള്ള വിലയോടെ ലഭ്യമായിരുന്നു എന്നതാണ് വസ്തുത.
GST നടപ്പിലായതുമുതൽ അന്യ സംസ്ഥാനത്തുനിന്ന് അംഗീകൃതമല്ലാത്ത വ്യാപാരികൾ discount വ്യാപാരം’ എന്ന വാഗ്ദാനവുമായി സംസ്ഥാനത്തേക്ക് മരുന്നുകൾ എത്തിക്കാനും സംസ്ഥാനത്ത് പ്രവർത്തിക്കുന്ന ചുരുക്കം ചില മൊത്ത – ചില്ലറ വ്യാപാരികൾ പ്രലോഭനത്തിൽ ആകൃഷ്ടരായി മരുന്നുകൾ വാങ്ങി ‘Discount’ ബോർഡുകൾ പ്രദർശിപ്പിച്ച് വ്യാപാരം തുടങ്ങിയത് വ്യാപകമായതോടെ സംസ്ഥാനത്ത് ഗുണനിലവാരമില്ലാത്തതും വ്യാജ മരുന്നുകളുടെ കടന്നു കയറ്റം ഉണ്ടാകാനുള്ള സാധ്യത ഉടലെടുക്കുകയുമുണ്ടായി.
more news:മാളുകളിൽ ജോലി ചെയ്യുന്ന സെക്യൂരിറ്റി ഗാർഡുമാരുടെ ദുരിതത്തിൽ മനുഷ്യാവകാശ കമ്മീഷൻ ഇടപെടുന്നു
കേന്ദ്ര ഗവൺമെന്റ് Drugs Price Control Order 2013 മുഖാന്തിരം റീട്ടെയിൽ വ്യാപാരികൾക്ക് 16% ലാഭശതമാനം ലാഭം നൽകുന്ന ഇൻസുലിൻ പോലുള്ള മരുന്നുകൾ നിർമ്മാതാക്കൾ നൽകുന്ന ലാഭശതമാനത്തേക്കാൾ കൂടുതലായി ‘Discount ബോർഡുകൾ’ പ്രദർശിപ്പിച്ചുകൊണ്ട് വ്യാപാരം നടത്തുന്ന പ്രവണ പാടില്ലാത്തതും Pharmacy Practice Regulation 2015ലെ നിബന്ധന കാറ്റിൽപ്പറത്തിക്കൊണ്ട് നടത്തുന്ന വ്യാപാരം നിർത്തലാക്കണമെന്ന് കാലാകാലങ്ങളായി ബന്ധപ്പെട്ട അധികാരികൾക്ക് നിവേദനവും അഭ്യർത്ഥനയും നടത്തിയിട്ട് ഫലമുണ്ടായിട്ടില്ല എന്നത് വാസ്തവമാണെന്നും ഭാരവാഹികൾ ചൂണ്ടികാട്ടി.
വൈകിയാണെങ്കിലും ‘Operation Double Check’ എന്ന പേരിൽ അന്യ സംസ്ഥാനങ്ങളിൽ നിന്ന് അംഗീകൃതമല്ലാത്ത വ്യാപാരികളിൽ നിന്ന് മരുന്നുകൾ വാങ്ങുന്ന ഇത്തരം സ്ഥാപനങ്ങളിൽ ചിലതിൽ (കൊല്ലം, തൃശ്ശൂർ, കോഴിക്കോട് തുടങ്ങിയ സ്ഥലങ്ങളിൽ) Drug Control Department ഉദ്യോഗസ്ഥർ നടത്തിയ പരിശോധനയിൽ വ്യാജ മരുന്നുകൾ കണ്ടെത്തുകയും നിയമാനുസൃതമായിട്ടുള്ള നടപടികൾ സ്വീകരിക്കുകയും ചെയ്തത് അഭിമാനാർഹമാണെന്നും ഭാരവാഹികൾ എടുത്തു പറഞ്ഞു.ഇത്തരം Discount എന്ന പ്രലോഭനത്തിൽ കൂടി മരുന്ന് വ്യാപാരം നടത്തുന്ന എല്ലാ സ്ഥാപനങ്ങളിലും പരിശോധന നടത്തി നിയമനടപടി കൈക്കൊള്ളണമെന്ന് A.K.C.D.A ആവശ്യപെട്ടു.
more news:അരുൺ ഐസ്ക്രീം ഡോനട്ടുകൾ പുറത്തിറക്കി
ഇത്തരം അനാരോഗ്യകരമായ പ്രവണതകൾക്ക് കൂട്ടു നിൽക്കുന്ന ഔഷധ നിർമ്മാതാക്കൾക്കെതിരെയും വിതരണ വിപണനം നടത്തുന്നവർക്കെതിരെയും കർശനമായ നടപടികൾ സ്വീകരിക്കാത്തപക്ഷം ഒരു കാലത്ത് വ്യാജമരുന്നുകൾ വിൽക്കാത്ത കേരള സംസ്ഥാനത്ത് ഗുണനിലവാരമില്ലാത്തതും വ്യാജ മരുന്നുകളും വിപണനം യഥേഷ്ടം നടത്തുന്ന സംസ്ഥാനം എന്ന അവസ്ഥ ഉണ്ടാകാതിരിക്കേണ്ടതിന്റെയും ഗുണനിലവാരമുള്ള മരുന്നുകൾ ഉപഭോക്താക്കൾക്കും ലഭ്യമാക്കേണ്ടതിന്റെയും ഉത്തരവാദിത്വം ഔഷധ വ്യാപാരികൾക്കും സർക്കാരിനും ഉള്ളതാണെന്ന് ഭാരവാഹികൾ ചൂണ്ടികാട്ടി.A.K.C.D.A ജില്ലാ പ്രസിഡന്റ്‌റ് രഞ്ജിത്ത് ദാമോദരൻ, സെക്രട്ടറി ഷാജി റോഷൻ, ട്രഷറർ ടി. ബീരാൻകുട്ടി, സംസ്ഥാന വൈസ് പ്രസിഡന്റ് കെ.ടി. രഞ്ജിത്ത്, ജില്ലാ വൈസ് പ്രസിഡന്റ് സന്തോഷ് കുമാർ, ജെയ്ഫർ. ആർ. ടി, ജോയിന്റ് സെക്രട്ടറി ആനന്ദ് കുമാർ എന്നിവർ പുത്രസമ്മേളനത്തിൽ പങ്കെടുത്തു.
