ന്യുഡല്‍ഹി: രാജ്യത്ത് 29 നിയമസഭാമണ്ഡലങ്ങളിലേക്കും 3 ലോക്‌സഭാ മണ്ഡലങ്ങളിലേക്കും നടന്ന തിരഞ്ഞെടുപ്പ് ഫലങ്ങള്‍ ബിജെപിയ്ക്ക് തിരിച്ചടിയായി. കര്‍ഷകസമരവും,ദിനം പ്രതി വര്‍ദ്ധിച്ചുകൊണ്ടിരിക്കുന്ന പെട്രോള്‍,ഡീസല്‍ വര്‍ദ്ധനവുമാണ് ബിജെപി വിരുദ്ധവികാരത്തിന് കാരണമായതെന്ന് കോണ്‍ഗ്രസ് പാര്‍ട്ടി വിലയിരുത്തി.കൂടാതെ ബിജെപിക്കുള്ളിലെ സ്ഥാനാര്‍ത്ഥി തര്‍ക്കവുമാണ് തോല്‍വിയ്ക്ക് ആക്കം കൂട്ടിയതെന്ന് കരുതുന്നു.മൂന്ന്് ലോക്‌സഭാ മണ്ഡലങ്ങളില്‍ രണ്ടും ബിജെപിയ്ക്ക് നഷ്ടമായി.രാജസ്ഥാനിലും,ഹിമാചല്‍പ്രദേശിലും,കര്‍ണാടകയിലും പാര്‍ട്ടി വലിയ തിരിച്ചടി നേരിട്ടു. വെറുപ്പിനെതിരെയുള്ള പോരാട്ടം തുടരുമെന്നാണ് വിജയത്തില്‍ രാഹുല്‍ ഗാന്ധി നടത്തിയ പ്രതികരണം.കര്‍ഷകസമരം ആളിക്കത്തിയ മേഖലകളിലാണ് ബിജെപി കനത്ത തോല്‍വി ഏറ്റുവാങ്ങേണ്ടി വന്നത്. ഫലങ്ങള്‍ പുറത്തുവന്നതോടെ കോണ്‍ഗ്രസ് നേതാക്കളും,അണികളും വലിയ ആത്മവിശ്വാസത്തിലാണ്.
