കൂടരഞ്ഞി : കത്തോലിക്കാ കോൺഗ്രസ് മെത്രാന്മാരുടെ സമുദായ ചൂഷണത്തിന് കുട പിടിക്കരുതെന്ന് കാത്തലിക് ലേമെൻസ് അസോസിയഷൻ’.
പ്രസ്താവനയുടെ പൂർണരൂപം –
” ആദ്യകാലങ്ങളിൽ കത്തോലിക്കാ കോൺഗ്രസ് സമുദായ അംഗങ്ങളായ ക്രിസ്തീയ വിശ്വാസികളുടെ ഉത്തമ താല്പര്യങ്ങൾക്ക് വേണ്ടി പ്രവർത്തിച്ചിരുന്നു. സെൻ്റ് തോമസ് ക്രിസ്ത്യാനികളുടെയിടയിൽ നിലനിന്നിരുന്ന ജാതിക്ക് കർത്തവ്യൻ്റെ ചുമതലകൾ ഏറ്റെടുത്തുകൊണ്ട് ക്രിസ്തീയ വിശ്വാസികളുടെ അവകാശ സംരക്ഷണത്തിനു വേണ്ടി പ്രവർത്തിച്ചിരുന്ന സംഘടനയായിരുന്നു അന്ന് എ. കെ. സി .സി. സീറോ മലബാർ സഭയിലെ ക്രൈസ്തവ വിരുദ്ധരും സമുദായ ചൂഷകരും ഏകാധിപതികളും അസ്സൻമ്മാർഗ്ഗികളും സഭാ സമ്പത്ത് കൊള്ളക്കാരും മതസ്പർദ്ധകരും ഇന്ത്യൻ ഭരണഘടനാ വിരുദ്ധമായി പ്രവർത്തിച്ചുവരുന്ന മേജർ ആർച്ച് ബിഷപ്പ് അടക്കമുള്ള ഇന്നത്തെ രുപതാ മെത്രാന്മാരുടെയും ഇവർക്ക് ചുക്കാൻ പിടിക്കുന്ന ഒരുപറ്റം വൈദികരുടെയും ആജ്ഞാനുവർത്തികളായിട്ടാണ് ഇന്നത്തെ കത്തോലിക്കാ കോൺഗ്രസ് പ്രവർത്തിക്കുന്നത്. സീറോ മലബാർ സഭയിലെ ക്രൈസ്തവ വിശ്വാസികളുടെ സ്വാതന്ത്ര്യവും പങ്കാളിത്തവും അവകാശാധികാരങ്ങളും ക്രിസ്തീയ വിശ്വാസ തത്വങ്ങളും ഹനിച്ച് അവരുടെ മേൽ ഏകാധിപത്യം അടിച്ചേൽപ്പിച്ച് കടുത്ത പീഢനമുറകൾ പ്രയോഗിച്ചു കൊണ്ടിരിക്കുന്നത് മേൽ വിവരിച്ച മെത്രാന്മാരും അവർക്ക് ചുക്കാൻ പിടിക്കുന്ന ഏതാനും വൈദികരും ആണെന്നുള്ള വസ്തുത ഇനിയെങ്കിലും ഇന്നത്തെ കത്തോലിക്കാ കോൺഗ്രസിന്റെ നേതൃത്വം വഹിച്ചുകൊണ്ടിരിക്കുന്ന ഗ്ലോബൽ സമിതി പ്രസിഡണ്ട് പ്രൊഫ. രാജീവ് കൊച്ചു പറമ്പിലും AKCC പ്രവർത്തകരും തിരിച്ചറിയണമെന്ന് കാത്തലിക് ലേമെൻസ് അസ്സോസിയേഷൻ (CLA) മുന്നറിയിപ്പ് നൽകുകയാണ്. “വിശുദ്ധ ബൈബിൾ, സീറോ മലബാർ സഭയ്ക്ക് പ്രമാണമല്ലെന്നും തോമാശ്ലീഹാ ഈ സഭയുടെ സ്ഥാപകനല്ലെന്നും പള്ളികളും സ്ഥാപനങ്ങളും സ്വത്തുവകകളും സഭാപരമായി പൊതുവായിട്ടുള്ളതല്ലെന്നും ജീവകാരുണ്യ പ്രവർത്തനങ്ങളെ മുൻനിർത്തിയുള്ളവ അല്ലെന്നും സഭാപരമായി പൊതുവായിട്ടുള്ള ട്രസ്റ്റൊ , ട്രസ്റ്റിന്റെ നിർവചനത്തിൽ പോലും വരുന്നതല്ലെന്നും സഭാംഗങ്ങൾക്കോ അവരാൽ പൊതുയോഗം വഴി തെരഞ്ഞെടുക്കപ്പെടുന്ന പള്ളി ട്രസ്റ്റിമാർക്കോ (കൈക്കാർ )ഇവകളിൽമേൽ യാതൊരുവിധ അവകാശാധികാരങ്ങളോ നിയന്ത്രണമോ ഇല്ലെന്നും ഇവകളുടെ ഉടമകൾ അതാത് രൂപതാ ബിഷപ്പുമാരാണെന്നും” അവകാശപ്പെട്ട് വിവിധ കോടതികളിൽ കള്ളസത്യവാങ്മൂലങ്ങൾ ഒപ്പിട്ട് നൽകി ക്രിസ്തീയ വിശ്വാസികളുടെ അവകാശങ്ങൾ ഹനിച്ച് അവരെ ചൂഷണം ചെയ്തുകൊണ്ടിരിക്കുന്നവരാണ് ഇന്നത്തെ AKCC -ക്ക് നേതൃത്വം നൽകിക്കൊണ്ടിരിക്കുന്ന സഭയുടെ കേവലം ജീവനക്കാർ മാത്രമായ മെത്രാന്മാരും വൈദികരുമെന്ന് ഇനിയെങ്കിലും തിരിച്ചറിയണമെന്നുകൂടി CLAആവശ്യപ്പെടുകയാണ്.
എന്ന്,
CLA യ്ക്ക് വേണ്ടി,
1. പ്രസിഡൻ്റ്, വിൻസൻ്റ് മാത്യു. (ഒപ്പ്)
2.സെക്രട്ടറി, M.L ജോർജ്ജ് (ഒപ്പ്)
കൂടരഞ്ഞി,
26-10-2025.
