കോഴിക്കോട്: നഗരത്തിലെ പെെപ്പ് ലെെനുകളിലെ ജി.എസ്.ഐ മാപ്പിംഗ് ചെയ്യുന്നതിന് സർക്കാൻ ഏജൻസിയെ നിയോഗിക്കുന്നതിൽ അതൃപ്തി അറിയിച്ച്
മേയർ ബീന ഫിലിപ്പിന്റെ അദ്ധ്യക്ഷതയിൽ ചേർന്ന അവസാനകൗൺസിൽ യോഗത്തിൽ പ്രതിപക്ഷ പ്രതിഷേധവും ബഹളവും. ഒടുവിൽ വോട്ടിനിട്ട അജണ്ട ബി.ജെ.പിയും അനുകൂലിച്ചതോടെ 75 അംഗ കൗൺസിലിൽ 16 യുഡി എഫ് അംഗങ്ങൾ ഒഴികെയുള്ള വൻ ഭൂരിപക്ഷത്തോടെ പാസാക്കി.
തിരഞ്ഞെടുപ്പ് മുന്നിൽകണ്ട് നഗരത്തിന് ഗുണകരമായ വിഷയത്തെ എതിർക്കരുതെന്നു പറഞ്ഞാണ് ബി.ജെ.പി അജണ്ടയെ പിൻതാങ്ങിയത്. അങ്ങനെ ഭരണപക്ഷവും ബി ജെ പിയും ചേർന്ന് അജണ്ട പാസാക്കിയതായി മേയർ ” പ്രഖ്യാപനം ” നടത്തിയത് കൗൺസിലിൽ ചിരി പടർത്തി. . നഗരത്തിലെ വാട്ടർസപ്ലെ നെറ്റ്വർക്ക്, സേവേജ് നെറ്റ്വവർക്ക്, സ്റ്റോം വാട്ടർ ഡ്രൈയിനേജ് എന്നിവയുടെ സ‌ർവ്വേ നടത്തിയാണ് ജി.എസ്.ഐ മാപ്പിംഗ് ചെയ്യുന്നത്. അമൃത് വണ്ണിലെ ഫണ്ട് ഫലപ്രദമായി വിനിയോഗിച്ചതിനാൽ 109347082 കോടി രൂപയാണ് പദ്ധതിക്ക് ഇൻസെന്റീവായി സർക്കാർകോഴിക്കോട് ഉൾപ്പെടുന്ന9 സിറ്റികൾക്ക് അനുവദിച്ചത്. പദ്ധതി നടപ്പിലാക്കുന്നത് സർക്കാർ തീരുമാനിക്കുന്ന ഏജൻസിയാണ്. ഏറെ വിവാദമായസോണ്ടയെ പോലെ ഏജൻസിക്ക് കരാർ നൽകിയാൽ പദ്ധതി വെെകുമെന്നും അഴിമതി നടക്കുമെന്നുമാരോപിച്ചാണ് പ്രതിപക്ഷം എതിർപ്പുമായെത്തിയത്. യു.ഡി.എഫ് കൗൺസിൽ പാർട്ടി ലീ‌ഡർ കെ.സി ശോഭിതയാണ് ചർച്ചയ്ക്ക് തുടക്കമിട്ടത്. നഗരത്തിലെ പെെപ്പ് ലെെനുകളെ ജി.പി.എസ് മാപ്പിംഗ് ചെയ്യുന്നത് മൂലം പോരായ്മകൾ എളുപ്പം കണ്ടെത്താനും പ്രശ്നങ്ങൾ പരിഹരിക്കാനും സാധിക്കുമെന്ന് ഡെപ്യൂട്ടി മേയർ വിശദീകരിച്ചു.
പൊതുഇടങ്ങളിൽ മാലിന്യം വലിച്ചെറിയുന്നതുമായി ബന്ധപ്പെട്ട കുറ്റകൃത്യങ്ങൾ റിപ്പോർട്ട് ചെയ്യുന്ന വ്യക്തികൾക്ക് പാരിതോഷികം നൽകുന്നതിനും കൗൺസിലിൽ അനുമതിയായി. പരാതികളിൽ അടവാക്കു ന്ന പിഴതുകയുടെ 25 ശതമാനമാണ് (പരമാവധി 2500 /-) കുറ്റകൃത്യങ്ങൾ റി പ്പോ ർട്ട് ചെ യ്യു ന്ന വ്യക്തികൾക്ക് പാരിതോഷികമായി നൽകുക.
കറുത്ത റിബൺ ധരിച്ച് പ്രതിപക്ഷത്തിന്റെ പ്രതിഷേധം
യോഗം ആരംഭിക്കുന്നതിന് മുൻപായി കറുത്ത റിബൺ തലയിൽക്കെട്ടി പ്രതിഷേധമറിയിച്ചാണ് യു.ഡി.എഫ് കൗൺസിലർമാർ കൗൺസിൽ ഹാളിലെത്തിയത്. ഭരണസമിതിയുടെ അഞ്ച് വർഷത്തെ ഭരണ ധൂർത്തിനെതിരെയും അഴിമതിയിലും പ്രതിഷേധിച്ചാണ്
കറുത്ത റിബൺ അണിഞ്ഞത്. യോഗത്തിലുടനീളം റിബൺ തലയിൽക്കെട്ടിയാണ് കൗൺസില‌മാർ ചർച്ചകളിൽ പങ്കെടുത്തത്.
