എറണാകുളം : ഡോ. റഹ്മാൻ വിഷയത്തിൽ സർക്കാരിനെതിരെ രൂക്ഷ വിമർശനവുമായി ഫാ. അജി പുതിയാപറമ്പിൽ ” *നീതി ജലം പോലെ ഒഴുകട്ടെ*”
തിരുവനന്തപുരം സർക്കാർ മെഡിക്കൽ കോളേജിൽ യൂറോളജി വിഭാഗത്തിലെ ശരികേടുകൾ ചൂണ്ടിക്കാണിച്ച ജനങ്ങളുടെ *പ്രിയപ്പെട്ട ഡോക്ടർ ഹാരിസ് ചിറയ്ക്കലി* നെതിരേയുള്ള പ്രതികാര നടപടികൾ നിർത്തിവയ്ക്കാൻ അവസാനം ഭരണകൂടം തയ്യാറായിരിക്കുന്നു.
വളരെ നല്ലത്!!!
അണുബോംബുമായി ആക്രമിക്കാൻ നില്ക്കുന്ന അയൽരാജ്യത്തേക്കാൾ ഭരണകൂടങ്ങൾ ഭയപ്പെടുന്നത് സത്യവും നീതിയും കൈമുതലായുള്ള, കള്ളങ്ങൾക്കെതിരേ കൈചൂണ്ടാൻ ധൈര്യപ്പെടുന്ന , സ്വന്തം പൗരനെയാണ്. ഡോ. ഹാരിസ് അത്തരമൊരാളാണ്.
ജനത്തിൻ്റെ മനസ്സ് ഡോക്ടറിനൊപ്പമാണെന്ന തിരിച്ചറിവ് മാത്രമാണ് ശിക്ഷാ നടപടികളിൽ നിന്നും താല്ക്കാലികമായെങ്കിലും പിന്മാറാൻ ഭരണകൂടത്തെ പ്രേരിപ്പിച്ചത്. അവസരം വരുമ്പോൾ; എന്താണോ നിശ്ചയിച്ചുറപ്പിച്ചത് , അതവർ നടപ്പിൽ വരുത്തുക തന്നെ ചെയ്യും.
ഓർക്കുക; സി.പി രാമസ്വാമിഅയ്യരുടെ തോക്കിനു മുമ്പിൽ വാരിക്കുന്തവും പിടിച്ച് നെഞ്ച് വിരിച്ചു നിന്നവരാണ് പിന്നീട് വിജയിച്ചത് (1946 ഒക്ടോബർ 24-27). വാരിക്കുന്തത്തിന് എന്തെങ്കിലും സൂപ്പർ പവർ ഉണ്ടായിരുന്നതുകൊണ്ടല്ല, മറിച്ച് അത് പിടിച്ചവൻ്റെ ഉള്ളിൽ നീതി ഉണ്ടായിരുന്നതുകൊണ്ടും അത് നടപ്പിലാക്കാനുള്ള ദാഹമുണ്ടായിരുന്നതുകൊണ്ടുമാണ്.
ഇന്നാകട്ടെ ഭരണകൂടത്തിൻ്റെ പക്കൽ അധികാരവും ഡോ. ഹാരിസിൻ്റെ പക്കൽ സത്യവുമുണ്ട്. *ഒരുപക്ഷേ ഭരണകൂടത്തിന് അദ്ദേഹത്തെ തകർക്കാനാകുമായിരിക്കും എന്നാൽ തോല്പിക്കാനാവില്ല. കാരണം അദ്ദേഹം നീതിമാനാണ്*.
നീതിമാൻ്റെമേൽ അന്യായമായി കുറ്റം ചുമത്തി, കുറ്റവിചാരണ ചെയ്ത് കുരിശിൽ തറച്ചാലും, കുറച്ചു നാൾ കഴിയുമ്പോൾ നീതി വിജയിക്കും. അതാണ് ചരിത്രം
അധികാരം കൈയ്യാളുന്നവർ കരുതിയിരിക്കുക; ആദരിക്കപ്പെടുന്ന നീതിമാനേക്കാൾ ,
*പീഡിപ്പിക്കപ്പെടുന്ന നീതിമാനാണ് ഉറങ്ങിക്കിടക്കുന്ന നീതിമാൻമാരെ ഉണർത്തുക*.!!!!!
ഫാ. അജി പുതിയാപറമ്പിൽ
08-08-2025
