കോഴിക്കോട് : ജനിച്ച വീട്ടിൽ കയറാനും കിടപ്പുരോഗിയായ അച്ഛനെ പരിചരിക്കാനും പോലീസുദ്യോഗസ്ഥനായ സഹോദരൻ സമ്മതിക്കുന്നില്ലെന്ന പരാതി അന്വേഷിക്കാൻ മനുഷ്യാവകാശ കമ്മീഷൻ ഉത്തരവിട്ടു.
കോഴിക്കോട് റൂറൽ ജില്ലാ പോലീസ് മേധാവി അന്വേഷണം നടത്തി 15 ദിവസത്തിനകം റിപ്പോർട്ട് സമർപ്പിക്കണമെന്ന് കമ്മീഷൻ ജുഡീഷ്യൽ അംഗം കെ. ബൈജുനാഥ് ആവശ്യപ്പെട്ടു.
പേരാമ്പ്രയിൽ താമസിക്കുന്ന പി. എം. ഷൈനി സമർപ്പിച്ച പരാതിയിലാണ് പരാതി. കൊയിലാണ്ടിയിലുള്ള വീട്ടിൽ തന്റെ പിതാവ് ഒരുവശം തളർന്നു കിടക്കുകയാണെന്ന് പരാതിക്കാരി അറിയിച്ചു. അച്ഛന്റെ പേരിലുള്ള സ്ഥലം സഹോദരൻ കൈക്കലാക്കിയതായി പരാതിയിൽ പറയുന്നു. ഇതിനെതിരെ ഉയർന്ന ഉദ്യോഗസ്ഥർക്ക് പരാതി നൽകിയെങ്കിലും ഫലമുണ്ടായില്ലെന്ന് പരാതിയിൽ പറയുന്നു.
