തൃശൂര്‍: സാമ്പത്തിക തട്ടിപ്പ് കേസില്‍ തൃക്കാക്കര സ്വദേശി സുഹാസ് സോമന്‍, തൃശൂര്‍ ശോഭ സിറ്റിയില്‍ താമസിക്കുന്ന സ്വദേശി സമേഷ് കുമാര്‍ എന്നിവര്‍ക്കെതിരെ ബെംഗളുരു വി വി പുരം പോലീസ് അന്വേഷണം ഊര്‍ജിതമാക്കിയതായി മെട്രോപോസ്റ്റ് റിപ്പോര്‍ട്ട് ചെയ്തു.
. തൃശ്ശൂര്‍ ആസ്ഥാനമായി പ്രവര്‍ത്തിക്കുന്ന ധനലക്ഷ്മി ഗ്രൂപ്പ് ഓഫ് കമ്പനീസ് ചെയര്‍മാനും മാനേജിംഗ് ഡയറക്ടറുമായ വിപിന്‍ദാസ് കടങ്ങോട്ടിന്റെ പരാതിയില്‍ എഫ് ഐ ആര്‍ രജിസ്റ്റര്‍ ചെയ്ത് ബെംഗളുരു പോലീസ് അന്വേഷണം ആരംഭിച്ചിരുന്നു. ധനലക്ഷ്മി ഗ്രൂപ്പ് മുന്‍ ഗ്രൂപ്പ് സി ഇ ഒആയിരുന്ന സുഹാസ് സോമന്‍ ഒന്നാം പ്രതിയും മുന്‍ ഡയറക്ടര്‍ ബോര്‍ഡ് മെമ്പറായിരുന്ന സമേഷ്‌കുമാര്‍ രണ്ടാം പ്രതിയുമാണ്.ഇന്ന് രാവിലെ സമേഷ് കുമാറിനെ ബെംഗളുരു പോലീസ് അറസ്റ്റ് ചെയ്യാന്‍ ശ്രമിക്കവെ തന്ത്രപരമായി രക്ഷപ്പെടുകയായിരുന്നു. സുഹാസ് സോമന്‍ ബെംഗളുരു പോലീസ് നിരീക്ഷണത്തിലാണ്.
18/06/2025 ആണ് സുഹാസ് സോമനെതിരെ ബാംഗ്ലൂര്‍ വി വി പുരം പോലീസ് FIR രജിസ്റ്റര്‍ ചെയതത്്. അന്വേഷണത്തില്‍ സമേഷും കുറ്റക്കാരന്‍ ആണെന്ന് കണ്ടെത്തിയ പോലീസ് ബാംഗ്ലൂര്‍ സിറ്റി ചീഫ് ജുഡീഷ്യല്‍ മജിസ്‌ട്രേറ്റിന്റെ ഉത്തരവോടുകൂടി സമേഷിനെ കൂടി പ്രതി ചേര്‍ക്കുകയായിരുന്നു.
ഭാരതീയന്യായ സംഹിത (BNS)2023(u/s-316(4)318(3)351(2) പ്രകാരമാണ് എഫ്‌ഐആര്‍ രജിസ്റ്റര്‍ ചെയ്തിട്ടുള്ളത്.
ഹണിട്രാപ്പ് തട്ടിപ്പ്: യുവതിയടക്കം ഒൻപത് പേർ റിമാൻ്റിൽ
ബിസിനസ് ലോണ്‍ വഴി കമ്പനിയില്‍ എത്തിയ ഒരു കോടി 43 ലക്ഷം രൂപ ഒന്നാം പ്രതിയായ സുഹാസ് സോമന്‍ സ്വന്തം എക്കൗണ്ടിലേക്ക് വകമാറ്റുകയായിരുന്നു. രണ്ടാം പ്രതിയായ സമേഷ് കുമാര്‍ കരാര്‍ പ്രകാരം പിരിഞ്ഞുപോകുമ്പോള്‍ തിരിച്ചേല്‍പ്പിക്കേണ്ടതായ ഷെയര്‍ നല്‍കാതിരിക്കുകയും കമ്പനിക്കെതിരെയും മറ്റ് ഡയറക്ടര്‍മാര്‍ക്കെതിരെയും വ്യാജ പരാതി നല്‍കുകയും ചെയ്തു. സോഷ്യല്‍ മീഡിയ ഉപയോഗിച്ച് സ്ഥാപനത്തിനെതിരെ ദുഷ്പ്രചാരണങ്ങള്‍ അഴിച്ചുവിട്ടു. ഈ സോഷ്യല്‍ മീഡിയ പ്ലാറ്റ്ഫോമുകള്‍ ബെംഗളുരു പോലീസിന്റെ നിരീക്ഷണത്തിലാണ്.
