കോഴിക്കോട്,:: മെഡിക്കൽ കോളേജ് സിറ്റി ബസ്സ് സ്റ്റാൻ്റ് പരിസരത്തെ പെട്ടി കടകളിൽ നിന്നും നിരോധിത പുകയില ഉൽപനങ്ങൾ സ്കൂൾ കുട്ടികൾക്ക് വിൽപന നടത്തിയ രണ്ട് പേരെ പിടികൂടി. കോട്ടപ്പറമ്പ് സ്വദേശി പിലാത്തോട്ടത്തിൽ മീത്തൽ അനിൽകുമാർ കെ , (49) കൊളത്തറ സ്വദേശി ശാരദ മന്ദിരം കെ.പി ഹൗസിൽ സഫീർ കെ.പി (33 ) എന്നിവരെ മെഡിക്കൽ കോളേജ് എസ്.ഐമാരായ ബി സുലൈമാൻ , അമൽ ജോയ് എന്നിവർ ചേർന്ന് പിടികൂടി. ലഹരിക്കെതിരെ ശക്തമായ നടപടി സ്വീകരിക്കുന്നതിൻ്റെ ഭാഗമായി
ജില്ലയിലെ സ്ക്കൂൾ പരിസരങ്ങളിലെ കടകൾ ഡാൻസാഫിൻ്റെ നിരീക്ഷണത്തിൽ ആയിരുന്നു. മെഡിക്കൽ കോളേജ് ഭാഗത്ത് ഡാൻസാഫ് ടീം നടത്തിയ നിരീക്ഷണത്തിൽ മെഡിക്കൽ കോളേജ് പോലീസ് നടത്തിയ പരിശോധനയിലാണ് സ്റ്റേഷനറി കടയിലെ കച്ചവടത്തിൻ്റെ മറവിൽ വിൽപനക്കായി സൂക്ഷിച്ച ഹാൻസ് കൂൾ തുടങ്ങിയ നിരോധിത പുകയില ഉത്പനങ്ങളുടെ എഴുപത്തൊന്ന് പാക്കറ്റുകൾ രണ്ട് കടകളിൽ നിന്നായി കണ്ടെടുത്തത്.
സ്ക്കൂൾ കുട്ടികൾ കൂടാതെ
യുവാക്കൾ , ഇതര സംസ്ഥാന തൊഴിലാളികൾ , ബസ്സ് തൊഴിലാളികൾ എന്നിവർക്കെല്ലാം നിരോധിത പുകയില ഉൽപനങ്ങൾ ഇവിടെ നിന്നും വിൽപന നടത്തുന്നതായി മനസ്സിലായി. മെഡിക്കൽ കോളേജ് ഭാഗങ്ങളിൽ നിരവധി സ്കൂളുകളും, കോളേജും ഉള്ളതിനാൽ നാർക്കോടിക്ക് സെൽ അസി: കമ്മീഷറുടെ നിർദേശ പ്രകാരം ഈ ഭാഗങ്ങളിൽ പ്രത്യേക നിരീക്ഷണം ഉണ്ടായിരുന്നു. വരും ദിവസങ്ങളിലും പരിശോധന ഉണ്ടായിരിക്കുമെന്ന് പോലീസ് അറിയിച്ചു.
ഡാൻസാഫ് സ്ക്വാഡിലെ എസ്.ഐ , അബ്ദുറഹ്മാൻ കെ, എ.എസ്.ഐ അനീഷ് മുസ്സേൻവീട് , തൗഫീക്ക് , മുഹമദ് മഷ്ഹൂർ മെഡിക്കൽ കോളേജ് സ്റ്റേഷനിലെ എസ്.ഐ കിരൺ എം, ബിനോയ് സാമുവൽ ,സുരാഗ് , ജിതിൻ എന്നിവരാണ് അന്വേക്ഷണ സംഘത്തിൽ ഉണ്ടായിരുന്നത്.
