കോഴിക്കോട്: കാര്‍ഷിക ഉത്പന്ന സംഭരണവും വിപണനവും സ്വകാര്യ കുത്തകള്‍ക്ക് തീറെഴുതി കൊടുത്തുകൊണ്ട് കര്‍ഷകരെ കൂട്ടമരണത്തിലേക്കു തള്ളിവിടുന്ന വിവാദ കര്‍ഷക വിരുദ്ധ ബില്‍ പിന്‍വലിക്കണമെന്ന് മുന്‍ ഡി.സി.സി പ്രസിഡന്റ് കെ. സി അബു അവശ്യപ്പെട്ടു. കിസാന്‍ കോണ്‍ഗ്രസ് കോഴിക്കോട് ജില്ലാ കമ്മിറ്റി ഹെഡ് പോസ്റ്റ് ഓഫിസിനുമുന്നില്‍ നടത്തിയ ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം. കിസാന്‍ കോണ്‍ഗ്രസ് ജില്ലാ പ്രസിഡന്റ് ഐപ്പ് വടക്കേതടം അധ്യക്ഷനായി. കിസാന്‍ കോണ്‍ഗ്രസ് സംസ്ഥാന സെക്രട്ടറി മഞ്ജൂഷ് മാത്യൂസ്, എന്‍. ചന്ദ്രന്‍, സി.എം ബാബു, മാത്യു ദേവഗിരി, എന്‍. രാജാശേഖരന്‍, ജോസ് കാരിവേലി, ലൂക്കോസ് വാതപ്പള്ളി, ബേപ്പൂര്‍ രാധാകൃഷ്ണന്‍, പി. സി പ്രത്യുഷ് കായണ്ണ, കുമാരന്‍ പാറക്കൊമ്പത്ത്, പാപ്പച്ചന്‍ കൂനംതടം, ജോയ് നെടുമ്പള്ളി, ഫാസില്‍ ബേപ്പൂര്‍, കെ.എം രാധാകൃഷ്ണന്‍, രാജന്‍ ബാബു, ബാബു മത്തത്ത് സംസാരിച്ചു.
