ബാലുശ്ശേരി: കക്കയം ഡാം സൈറ്റ് റോഡിൽ ബി.വി.സി. പെൻസ്റ്റോക്ക് പൈപ്പിന് സമീപം പുലിയെ കണ്ടതായി വാൽവ് ഹൗസ് ജീവനക്കാരൻ.കഴിഞ്ഞ ദിവസം വൈകിട്ടോടെയാണ് ഡ്യൂട്ടിയിലായിരുന്ന ഇയാൾ പുലിയെ കണ്ടത്. മീറ്ററുകളോളം ദൂരത്ത് നിന്നാണ് പുലിയെ കണ്ടതെന്നാണ് ജീവനക്കാരൻ പറയുന്നത്.എന്നാൽ പുലിയുടെ ശ്രദ്ധ മറ്റെന്തിലോ ആയിരുന്നതിനാലാണ് താൻ
രക്ഷപെട്ടതെന്നും ഇയാൾ പറയുന്നു.
സംഭവത്തെ തുടർന്ന് കക്കയം കെ.എസ്.ഇ.ബി.അധികൃതർ വനം വകുപ്പിനെ വിവരം അറിയിക്കുകയും വനം ഉദ്യോഗസ്ഥർ സ്ഥലത്തെത്തി പരിശോധന നടത്തുകയും ചെയ്തു..ഇത് സംബന്ധിച്ച് കൂടുതൽ അന്വേഷണം നടത്തി വരികയാണെന്നും ഡെപ്യൂട്ടി റെയ്ഞ്ചർ ശ്രീജിത്ത് അറിയിച്ചു. പുലികളുടെ ആവാസകേന്ദ്രമാണ് കക്കയം ഡാം സൈറ്റ് പരിസരവും ഇതിനടുത്ത ശങ്കരൻപാറ വനമേഖലയും.
