കോഴിക്കോട്: അനധികൃത മദ്യവിൽപന നടത്തിയ വെസ്റ്റ് ഹിൽ ശാന്തിനഗർ കോളനി സ്വദേശി ജമീല (42 വയസ്സ്) യെ വെള്ളയിൽ പോലീസ് അറസ്റ്റ് ചെയ്തു. അനധികൃതമായി വിൽപനക്കായി വീട്ടിൽ സൂക്ഷിച്ച 51 ബോട്ടിൽ ബിയർ പോലീസ് ബന്തവസ്സിലെടുത്തു. അനധികൃത മദ്യവില്പന നടത്തുന്നതിന് ഒരു മാസത്തിനിടെ വെള്ളയിൽ പോലീസ് സ്റ്റേഷൻ പരിധിയിൽ അറസ്റ്റിലാവുന്ന മൂന്നാമത്തെയാളാണ് ജമീല. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.
വെള്ളയിൽ പോലീസ് സബ് ഇൻസ്പെക്ടർ സനീഷ്.യു, സിവിൽ പോലീസ് ഓഫീസർമാരായ ജയചന്ദ്രൻ.എം, ഷിജില.സി.പി, രതീഷ്.പി, സിംന ശ്രീനിലയം, എന്നിവരുടെ നേതൃത്വത്തിലായിരുന്നു മദ്യം പിടികൂടിയത്.
