കൊല്ലം: മുഖ്യമന്ത്രി പിണറായി വിജയനെ പുകഴ്ത്തി ചാണ്ടി ഉമ്മന്‍ എംഎല്‍എ. ഉമ്മന്‍ചാണ്ടിയുടെ ചികിത്സയ്ക്കായി മുഖ്യമന്ത്രി കാണിച്ച പ്രത്യേക താത്പര്യമടക്കം എടുത്തുപറഞ്ഞാണ് ചാണ്ടി ഉമ്മന്‍ പുകഴ്ത്തിയത്.
ഒരാളെ തിരിച്ചറിയുന്നത് ബുദ്ധിമുട്ട് വരുന്ന സമയത്താണ്. ഉമ്മന്‍ചാണ്ടി ആരോഗ്യ പ്രശ്‌നങ്ങള്‍ നേരിട്ടപ്പോള്‍ മുഖ്യമന്ത്രി പ്രത്യേക താല്‍പര്യം കാണിച്ച് അദേഹത്തിന് വേണ്ടി ഒരുപാട് ഇടപെടലുകള്‍ നടത്തി. രാഷ്ട്രീയ അഭിപ്രായ വ്യത്യാസങ്ങള്‍ക്കിടയിലും വ്യക്തിപരമായ അടുപ്പം ഏറെ ഉണ്ടായിരുന്നവരായിരുന്നു പിണറായി വിജയനും ഉമ്മന്‍ചാണ്ടിയുമെന്നും ചാണ്ടി ഉമ്മന്‍ പറഞ്ഞു.
ഉമ്മന്‍ ചാണ്ടിക്ക് കല്ലേറ് കൊണ്ടപ്പോള്‍ തനിക്കും പിണറായിക്കും സുരക്ഷയൊരുക്കിയത് ഉമ്മന്‍ ചാണ്ടിയായിരുന്നുവെന്ന് പന്ന്യന്‍ രവീന്ദ്രന്‍ പറഞ്ഞു. ഉമ്മന്‍ചാണ്ടിക്ക് ജയിച്ചു കഴിഞ്ഞാല്‍ പാര്‍ട്ടികള്‍ തമ്മില്‍ വേര്‍തിരിവില്ല. ഉമ്മന്‍ ചാണ്ടി നാടിന്റെ വലിയ സമ്പത്താണെന്നും പന്ന്യന്‍ രവീന്ദ്രന്‍ പറഞ്ഞു.
വിഴിഞ്ഞം പദ്ധതി നടപ്പിലായത് ഉമ്മന്‍ ചാണ്ടിയുടെ ഇച്ഛാശക്തി കൊണ്ട് മാത്രമാണ്. കരുണാകരന്‍, ആന്റണി മന്ത്രിസഭകളുടെ ചാലകശക്തിയായിരു ഉമ്മന്‍ ചാണ്ടിയെന്നും പി കെ കുഞ്ഞാലികുട്ടി പറഞ്ഞു.
ഈ ലിങ്ക് വഴി ഇ ന്യൂസ് വാര്‍ത്താ ഗ്രൂപ്പില്‍ ജോയിന്‍ ചെയ്യാം https://chat.whatsapp.com/GWCxVhupXM1JzhuzKNnTGz
കഴിഞ്ഞ ദിവസമായിരുന്നു ഉമ്മന്‍ ചാണ്ടിയുടെ ഒന്നാം ചരമവാര്‍ഷികം ആചരിച്ചത്. ഗവര്‍ണര്‍ ആരിഫ് മുഹമ്മദ് ഖാന്‍ ഉള്‍പ്പെടെ നിരവധി നേതാക്കളാണ് പരിപാടിയില്‍ പങ്കെടുത്തത്.
