കോഴിക്കോട്: മാതൃഭൂമി ചീഫ് സബ് എഡിറ്ററും കാലിക്കറ്റ് പ്രസ്സ് ക്ലബ്ബ് നിയുക്ത ട്രഷററുമായിരുന്ന ടി.ഷിനോദ് കുമാറിന്റെ നിര്യാണത്തിൽ പ്രസ് ക്ലബ്ബ് അനുശോചിച്ചു.
പ്രസ് ക്ലബ് ഹാളിൽ ചേർന്ന അനുശോചന യോഗത്തിൽ
മാതൃഭൂമി പത്രാധിപർ മനോജ് കെ.ദാസ് അനുസ്മരണ പ്രഭാഷണം നടത്തി. ഷിനോദ് കുമാർ നിരന്തര പ്രയത്നത്തിന്റെയും കഠിനാദ്ധ്വാനത്തിന്റെയും ഉത്തമമാതൃക അവശേഷിപ്പിച്ചാണ് കടന്നുപോയതെന്നും മനോജ് കെ.ദാസ് അനുസ്മരിച്ചു.
പ്രസ് ക്ലബ്ബ് പ്രസിഡന്റ് എം.ഫിറോസ് ഖാൻ അദ്ധ്യക്ഷത വഹിച്ചു. പ്രദീപം
പത്രാധിപർ ഡോ.എ.വി.പ്രകാശ്, ചന്ദ്രിക പത്രാധിപർ കമാൽ വരദൂർ, സീനിയർ ജേർണലിസ്റ്റ് ഫോറം സംസ്ഥാന ജനറൽ സെക്രട്ടറി കെ.പി. വിജയകുമാർ, ജില്ലാ പ്രസിഡന്റ് വി.എൻ.ജയഗോപാൽ, കെ.യു.ഡബ്ള്യു.ജെ. സംസ്ഥാന സെക്രട്ടറി അഞ്ജന ശശി, പി.ആർ.ഡി. ഡെപ്യൂട്ടി ഡയറക്ടർ കെ.ടി.ശേഖർ, മാതൃഭൂമി ഡെപ്യൂട്ടി എഡിറ്റർ പി.പി.ശശീന്ദ്രൻ, സീനിയർ ന്യൂസ് എഡിറ്റർ കെ.സജീവൻ, എം.സുധീന്ദ്ര കുമാർ, പി.പി.അബൂബക്കർ, ഡോ.ഒ.കെ. മുരളീകൃഷ്ണൻ, ഇ.പി.മുഹമ്മദ്, പി.വി.ജീജോ, എം.ബാലഗോപാൽ, മനു റഹ്മാൻ, എ. മുഹമ്മദ് അസ്ലം, പി.കെ. സജിത്ത് എന്നിവർ സംസാരിച്ചു. ദീർഘകാലം പ്രസ്സ്ക്ലബ്ബ് ഓഫീസ് അസിസ്റ്റന്റ് ആയി പ്രവർത്തിച്ച പി.പി. വേണുഗോപാലിന്റെ നിര്യാണത്തിലും യോഗം അനുശോചിച്ചു.
റെജി ആർ നായർ അനുശോചന പ്രമേയം അവതരിപ്പിച്ചു. സെക്രട്ടറി പി എസ്‌ രാകേഷ്‌ സ്വാഗതവും ട്രഷറർ പി വി നജീബ്‌ നന്ദിയും പറഞ്ഞു.
