top news
കാര്‍ ഓടിക്കാന്‍ പിതാവ് താക്കോല്‍ നല്‍കിയില്ല ദേഷ്യത്തില്‍ കാര്‍ പെട്രോളൊഴിച്ച് കത്തിച്ച് മകന്‍
കൊണ്ടോട്ടി: വീട്ടിലെ കാര്‍ ഓടിക്കാന്‍ പിതാവ് താക്കോല്‍ നല്‍കാത്തതിന്റെ ദേഷ്യത്തില്‍ മകന്‍ കാര്‍ പെട്രോളൊഴിച്ചു കത്തിച്ചു. മലപ്പുറം കൊണ്ടോട്ടി നീറ്റാണിമ്മലില്‍ ഇന്നലെ വൈകിട്ടായിരുന്നു സംഭവം നടന്നത്. പിതാവിന്റെ പരാതിയില്‍ കൊണ്ടോട്ടി പോലീസ് കേസെടുത്തിട്ടുണ്ട്. ഡാനിഷ് മിന്‍ഹാജ് (21) ആണ് അറസ്റ്റിലായിരിക്കുന്നത്.
ലൈസന്‍സ് ഇല്ലാത്ത മകന്‍ കാറോടിക്കാന്‍ ചോദിച്ചിട്ടും പിതാവ് സമ്മതിച്ചില്ല. ഇതോടെ ഡാനിഷ് തൊട്ടടുത്തു നിര്‍ത്തിയിട്ട ബൈക്കില്‍നിന്ന് പെട്രോള്‍ ഊറ്റിയെടുത്ത് കാറിനുമേല്‍ ഒഴിച്ചു തീയിടുകയായിരുന്നു. വീടിനു മുന്നില്‍ നിര്‍ത്തിയിട്ട കാറിനാണ് തീയിട്ടത്. കാര്‍ പൂര്‍ണമായും കത്തിനശിച്ചു. വീടിനും കേടുപാടുകള്‍ സംഭവിച്ചിട്ടുണ്ട്.
