കോഴിക്കോട് : ഒളിവിൽ കഴിഞ്ഞുവന്ന പ്രതിയെ മെഡിക്കൽ കോളേജ് പോലീസ് സാഹസികമായി പിടികൂടി.
കോഴിക്കോട് സിറ്റി മെഡിക്കൽ കോളേജ് പോലീസ് സ്റ്റേഷൻ പരിധിയിലുള്ള പൂവാട്ടു പറമ്പ് ടൌണിൽവച്ച് 19. ന് രാത്രി ഏഴു മണിക്ക് പരാതിക്കാരനായ പൂവാട്ടുപറമ്പ് സ്വദേശിയെ ഇരുമ്പു വടി ഉപയോഗിച്ച് തലക്കും ദേഹത്തും ഗുരുതരമായി പരിക്കേൽപ്പിച്ച ശേഷം ഒളിവിൽ കഴിയുകകയായിരുന്ന ഹർഷാദ് @ സാബു, S/o. മൊയ്തീൻ, കളരി പുറായിൽ വീട്, മുണ്ടക്കൽ, പൂവാട്ടു പറമ്പ് എന്നയാളെ മെഡിക്കൽ കോളേജ് പോലീസ് സാഹസികമായി പിടികൂടി. കുറ്റകൃത്യത്തിന് ശേഷം ബാംഗ്ലൂരിലും മറ്റും ഒളിവിൽ കഴിയുകയായിരുന്നു പ്രതി. ആനക്കുഴിക്കരയിലുള്ള ഒരു ഫ്ലാറ്റിൽ പ്രതി എത്തിയിട്ടുണ്ടെന്ന രഹസ്യ വിവരത്തെത്തുടർന്ന് നടത്തിയ പരിശോധനയിലാണ് അക്രമസ്വാഭവമുള്ള പ്രതിയെ മെഡിക്കൽ കോളേജ് എസ്.ഐ മാരായ സൈഫുള്ള, ബിജു ഭാസ്കർ, സിവിൽ പോലീസ് ഓഫീസർമാരായ രാഹുൽ, ബീനോയ് എന്നിവർ ചേർന്ന് സാഹസികമായി പിടികൂടിയത്. ഹർഷാദ് @ സാബു എന്നയാൾ സിറ്റി പോലീസ് ജില്ലയിലെ മെഡിക്കൽ കോളേജ്, കുന്ദമംഗലം എന്നീ പോലീസ് സ്റ്റേഷനുകളിൽ വധശ്രമം, എം.ഡി.എം.എ കൈവശം വച്ചതിനും കഞ്ചാവ് ഉപയോഗിച്ചതിനും ആളുകളെ ഗുരുതരമായി ദേഹോപദ്രവം ചെയ്തതിനും ഉൾപ്പെടെയുള്ള ഗുരുതര സ്വഭാവമുള്ള കേസുകളിൽ പ്രതിയാണ്. പിടികൂടിയ പ്രതിയെ വൈദ്യപരിശോനധനക്ക് ശേഷം കോടതി മുമ്പാകെ ഹാജരാക്കും.
