തിരുവനന്തപുരം: മഴക്കെടുതിയില് സംസ്ഥാനത്ത് സ്ഥിതിഗതികള് നിയന്ത്രണ വിധേയമാണെന്ന് മുഖ്യമന്ത്രി വി ഡി സതീശന്. അടിയന്തരയോഗം ചേര്ന്ന് സ്ഥിതിഗതികള് വിലയിരുത്തിയെന്നും മുഖ്യമന്ത്രി വാര്ത്താ സമ്മേളനത്തില് പറഞ്ഞു. രക്ഷാപ്രവര്ത്തനത്തിനായി രണ്ട് ഹെലികോപ്റ്റര് എത്തിയെന്നും എന്ഡിആര്എഫ്, പൊലീസ്, ഫയര്ഫോഴ്സ് സേനകളുണ്ടെന്നും മുഖ്യമന്ത്രി കൂട്ടിച്ചേര്ത്തു.’316 ദുരിതാശ്വാസക്യാമ്പുകള് നിലവിലുണ്ട്. 11018 പേര് ക്യാമ്പുകളില് കഴിയുന്നു. ആവശ്യമായ ഭക്ഷണം വിതരണം ചെയ്യുന്നുണ്ട്. ഇതുവരെ 15 മരണമാണുണ്ടായത്. ഏഴ് പേരെ കാണാതായി. 30ന് തന്നെ തയ്യാറെടുപ്പുകള് നടത്തിയിരുന്നു. 165 ഹെക്ടര് കൃഷി നശിച്ചെന്നാണ് പ്രാഥമിക റിപ്പോര്ട്ട്. വ്യാപകമായി വ്യാജ പ്രചാരണം നടക്കുന്നുണ്ടെന്നുംവാര്ത്താ സമ്മേളനത്തില് പറഞ്ഞു.പ്രധാന അണക്കെട്ടുകളില് ജലനിരപ്പ് താഴെയാണ്. . അണക്കെട്ടുകളില് നിന്ന് വെള്ളം ഒഴുക്കിവിടുന്നു എന്നത് തെറ്റായ വാര്ത്തയാണെന്നും അതിന് എതിരെ നടപടി സ്വീകരിക്കുമെന്നും മുഖ്യമന്ത്രി പറഞ്ഞു.
