തിരുവനന്തപുരം: വിരുന്ന് വിവാദത്തില് പ്രതികരിച്ച് മുഖ്യമന്ത്രി വി ഡി സതീശന്. ഹീനമായ അപവാദപ്രചരണമാണ തനിക്കെതിരെ് നടക്കുന്നതെന്ന് മുഖ്യമന്ത്രി വാര്ത്താ സമ്മേളനത്തില് പറഞ്ഞു. താനൊന്ന് ഭക്ഷണം കഴിച്ചുപോയെന്നും തെറ്റ് പറ്റിപ്പോയെന്നുമാണ് അദ്ദേഹത്തിന്റെ പ്രതികരണം്. താന് സല്ക്കാരത്തിന് അല്ല പോയതെന്നും മുഖ്യമന്ത്രി പറഞ്ഞു.
‘അന്ന് രാവിലെ അഞ്ച് മണി മുതല് റവന്യൂ മന്ത്രിയെയും ചീഫ് സെക്രട്ടറിയെയും ജില്ലയിലെ ചാര്ജുള്ള മന്ത്രിമാരെയും കളക്ടര്മാരെയും എംഎല്എമാരെയും ബന്ധപ്പെട്ടു. വരേണ്ട ആവശ്യമുണ്ടോയെന്ന് ഞാന് ചോദിച്ചു. ഇല്ലെന്ന് അവര് പറഞ്ഞു. മൂന്ന് മണിയായപ്പോള് ഞാന് ഭക്ഷണം കഴിച്ചുപോയി. 2018ലും 2019ലും ദുരന്തമുണ്ടായപ്പോള് അന്നത്തെ മുഖ്യമന്ത്രി നിരാഹാരമായിരുന്നു എന്ന് എനിക്ക് അറിയില്ലായിരുന്നു. ഞാനൊന്ന് ഭക്ഷണം കഴിച്ചുപോയി. അപവാദ പ്രചാരണമാണ് നടക്കുന്നത്. എന്താ ഞാന് ഭക്ഷണം കഴിക്കാന് പാടില്ലേ, എന്തൊരു തെറ്റാണ്. ഭക്ഷണം കഴിച്ചു, തെറ്റ് പറ്റിപോയി. ഇനി മുതല് ഭക്ഷണം കഴിക്കാതിരിക്കാം’, മുഖ്യമന്ത്രി വാര്ത്താസമ്മേളനത്തില് പറഞ്ഞു.കേരളത്തിലെ ജനം വിലയിരുത്തട്ടേയെന്നും മുഖ്യമന്ത്രി കൂട്ടിച്ചേര്ത്തു. ആ വീട്ടുകാരും ഭക്ഷണം കഴിക്കാതെ തന്നെ കാത്തിരിക്കുകയായിരുന്നുവെന്നും മുഖ്യമന്ത്രി പറഞ്ഞു. മുഖ്യമന്ത്രിക്ക് ഭക്ഷണം കഴിക്കാന് പാടില്ലെന്ന് ഇപ്പോഴാണ് അറിഞ്ഞതെന്നും അദ്ദേഹം പരിഹസിച്ചു. മഴക്കെടുതിയിലെ രക്ഷാപ്രവര്ത്തനത്തില് ഒരു അനാസ്ഥയുമുണ്ടായില്ലെന്നും മന്ത്രി വ്യക്തമാക്കി.
https://youtu.be/yCRyXBc7wPg?si=csXsxfroygLs-IK3
