കോഴിക്കോട് : ജില്ലാ സഹകരണാശുപത്രി വൈസ് ചെയര്‍മാനായി കെ.കെ. ലതികയെ തെരഞ്ഞെടുത്തു. കുറ്റിയാടി മുന്‍ എംഎല്‍എ ആയിരുന്ന ലതിക വിദ്യാര്‍ഥി പ്രസ്ഥാനത്തിലൂടെയാണ് സാമൂഹ്യ പ്രവര്‍ത്തനത്തില്‍ എത്തിയത്. കുന്നുമ്മല്‍ ബ്ലോക്ക് വനിതാ സഹകരണ ബാങ്ക് പ്രസിഡണ്ടാണ്. സപ്തംബര്‍ എട്ടിന് നടന്ന തെരഞ്ഞെടുപ്പില്‍ വരണാധികാരി പി.കെ സുഗത നടപടി ക്രമങ്ങള്‍ നിയന്ത്രിച്ചു. തുടര്‍ന്ന് നടന്ന ഭരണ സമിതി യോഗത്തില്‍ ചെയര്‍മാന്‍ പ്രഫ. പിടി അബ്ദുള്‍ ലത്തീഫ് അധ്യക്ഷത വഹിച്ചു.
ഭരണ സമിതി അംഗങ്ങളായ എ കെ രമേശ് ബാബു, അഡ്വ കെ ജയരാജന്‍, ടി സി ബിജുരാജ്, സന്നാഫ് പാലക്കണ്ടി സിഇഒ എവി സന്തോഷ് കുമാര്‍ എന്നിവര്‍ ആശംസകള്‍ അര്‍പ്പിച്ചു.
