കോഴിക്കോട്: മുന്‍ നിയമസഭ സ്പീക്കറും ബില്‍ഡിംഗ് ആന്റ് റോഡ് വര്‍ക്കേഴ്‌സ് ഫെഡറേഷന്‍ (ഐഎന്‍ടിയുസി) സംസ്ഥാന പ്രസിഡന്റുമായിരുന്ന എ.സി. ജോസിനെ അഞ്ചാം ചരമ വാര്‍ഷിക ദിനത്തില്‍ അനുസ്മരിച്ചു. ഐഎന്‍ടിയുസി ബില്‍ഡിംഗ് ആന്റ് റോഡ് വര്‍ക്കേഴ്‌സ് ഫെഡറേഷന്‍ കോഴിക്കോട് ജില്ലാ കമ്മറ്റിയുടെ ആഭിമുഖ്യത്തില്‍ നടന്ന അനുസ്മരണ സമ്മേളനം മുന്‍ കെ.പി.സി.സി ജനറല്‍ സെക്രട്ടറി അഡ്വ. പി.എം സുരേഷ് ബാബു ഉദ്ഘാടനം ചെയ്തു. ഫെഡറേഷന്‍ സംസ്ഥാന വൈസ് പ്രസിഡന്റ് എം.പി ജനാര്‍ദ്ദനന്‍ അദ്ധ്യക്ഷത വഹിച്ചു.
ഐ.എന്‍.ടി.യു.സി ദേശീയ പ്രവര്‍ത്തക സമിതിയംഗം എം.കെ. ബീരാന്‍ മുഖ്യ പ്രഭാഷണം നടത്തി. ഫെഡറേഷന്‍ സംസ്ഥാന ഓര്‍ഗനൈസിംഗ് സെക്രട്ടറി ഓച്ചേരി വിശ്വന്‍, എ.പി. പീതാംബരന്‍, പി.എം. ചന്ദ്രന്‍, ടി.കെ. സുധാകരന്‍, സതീശന്‍ പെരിങ്ങളം,കെ.എന്‍.എ. അമീര്‍, മഠത്തില്‍ ഗോപാലകൃഷ്ണന്‍, ഗോവിന്ദന്‍ നൊച്ചാട്, സി. ഗോപാലന്‍, രാഘവന്‍ തുടങ്ങിയവര്‍ പ്രസംഗിച്ചു. ഡിസിസി വൈസ് പ്രസിഡന്റ് ഇ.വി. ഉസ്മാന്‍ കോയയുടെ നിര്യാണത്തില്‍ യോഗം അനുശേചനം രേഖപ്പെടുത്തി.
