കോഴിക്കോട്: ബീച്ച് ലയൺസ് പാർക്കിംഗിങിൽ നിന്നും ഇരുചക്രവാഹന മോഷണം നടത്തിയ യുവാവിനെ ടൗൺ അസിസ്റ്റന്റ് കമ്മീഷണർ സുരേഷ് കെ.ജിയുടെ നേതൃത്വത്തിലുള്ള സിറ്റി ക്രൈം സ്ക്വാഡും വെള്ളയിൽ ഇൻസ്പെക്ടർ ഹരീഷ് .ജി യുടെ നേതൃത്വത്തിലുള്ള വെള്ളയിൽ പോലീസും ചേർന്ന് പിടികൂടി. തിരുവണ്ണൂർ സ്വദേശിയായ മഹന്ന മുഹമ്മദ് (21) എന്നയാളെയാണ് വെള്ളയിൽപോലീസ് ചക്കുംകടവ് ഭാഗത്ത് നിന്ന് പിടികൂടിയത് ഇരുചക്രവാഹനം പ്രതിയിൽ നിന്നും പോലീസ് കണ്ടെടുത്തു. മോഷണം തടയുന്നതിനായി വാഹന പരിശോധന നടത്തുന്നതിനിടെയാണ് പ്രതി പിടിയിലാവുന്നത് മോഷ്ടിച്ച വാഹനം പോലീസ് തിരിച്ചറിയാതിരിക്കാൻ വാഹനത്തിന്റെ നമ്പർ മാറ്റിയാണ് പ്രതി നഗരത്തിലൂടെ സഞ്ചരിച്ചിരുന്നത്. നടക്കാവ്, കാക്കൂർ, ടൗൺ, വെള്ളയിൽ എന്നീ സറ്റേഷനിൽ എട്ടോളം മോഷണകേസ്സ് നിലവിൽ ഉണ്ട്
സബ്ബ് ഇൻസ്പെക്ടർമാരായ ബാവീഷ് ബി.എസ്, ജബ്ബാർ എൽ,സിവിൽ പോലീസ് ഓഫീസർ രജു. കെ സിറ്റി ക്രൈം സ്ക്വാഡ് അംഗങ്ങളായ എം.ഷാലു, സജേഷ് കുമാർ പി, സി.കെ.സുജിത്ത്, എന്നിവർ ആയിരുന്നു അന്വേഷണ സംഘത്തിലുണ്ടായിരുന്നു.
