ദേശീയ ചലച്ചിത്ര അവാര്‍ഡ് സംബന്ധിച്ച സജീവ ചര്‍ച്ചകള്‍ ആരംഭിച്ചിരിക്കുന്ന സാഹചര്യത്തില്‍ ആരായിരിക്കും മികച്ച നടന് ആവുക എന്നറിയാനുള്ള കാത്തിരിപ്പിലാണ് ഏവരും. മമ്മൂട്ടിയിലൂടെ മികച്ച നടനുള്ള പുരസ്‌കാരം മലയാളത്തിലേക്ക് എത്തുമെന്ന പ്രതീക്ഷയിലാണ് ആരാധകര്‍. സോഷ്യല്‍ മീഡിയയിലെ ചര്‍ച്ചകളില്‍ കേള്‍ക്കുന്ന പേരുകളില്‍ മുന്നിലുള്ളത് മമ്മൂട്ടിയുടേതാണ്. അഭ്രപാളിയില്‍ വിസ്മയം തീര്‍ക്കുന്ന മമ്മൂട്ടിക്ക് തന്നെ മികച്ച നടനുള്ള അവാര്‍ഡ് ലഭിക്കുമെന്നാണ് പ്രേക്ഷകര്‍ പ്രതീക്ഷിക്കുന്നത്.
റോഷാക്ക്, നന്‍പകല്‍ നേരത്ത് മയക്കം എന്നീ സിനിമകളിലെ പ്രകടനങ്ങളുടെ അടിസ്ഥാനത്തിലാണ് മമ്മൂട്ടി തന്നെ അവാര്‍ഡ് സ്വന്തമാക്കുമെന്ന ചര്‍ച്ച സോഷ്യല്‍ മീഡിയയില്‍ നടക്കുന്നത്. ഈ രണ്ട് സിനിമകളിലും മമ്മൂട്ടി ഗംഭീരപ്രകടനമാണ് കാഴ്ച വെച്ചതെന്നും മമ്മൂട്ടിക്ക് മുകളില്‍ നില്‍ക്കുന്ന പ്രകടനം മറ്റാരും നടത്തിയിട്ടില്ലെന്നും ആണ് ഉയരുന്ന അഭിപ്രായം.
ഈ ലിങ്ക് വഴി ഇ ന്യൂസ് വാര്‍ത്താ ഗ്രൂപ്പില്‍ ജോയിന്‍ ചെയ്യാം https://chat.whatsapp.com/GWCxVhupXM1JzhuzKNnTGz
അതേസമയം, മമ്മൂട്ടിക്കൊപ്പം ഉയര്‍ന്നുകേള്‍ക്കുന്ന മറ്റൊരു പേര് കന്നഡ താരം റിഷഭ് ഷെട്ടിയുടേതാണ്. മമ്മൂട്ടിക്ക് കടുത്ത മത്സരം നല്‍കി മികച്ച നടന് കാറ്റഗറിയില്‍ റിഷഭ് ഉണ്ടെന്നാണ് സോഷ്യല്‍ മീഡിയ പറയുന്നത്. ഏറെ ശ്രദ്ധ നേടിയ കാന്താര എന്ന സിനിമയിലെ പ്രകനത്തിനാണ് റിഷഭ് മികച്ച നടനുള്ള കാറ്റഗറിയില്‍ മത്സരിക്കുന്നത്. ചിത്രത്തിന്റെ സംവിധായകനും അദ്ദേഹമാണ്. റിഷഭിന്റെ പ്രകടനം മികച്ചതാണെന്ന കാര്യത്തില്‍ ആര്‍ക്കും സംശയമില്ല. റിഷഭും മമ്മൂട്ടിയും തമ്മില്‍ മത്സരം ഉണ്ടായാല്‍ ആരാകും മികച്ച നടനാവുക എന്ന ചര്‍ച്ചയാണ് ഇപ്പോള്‍ നടക്കുന്നത്. അതേസമയം ഇക്കാര്യത്തില്‍ ഔദ്യോഗിക പ്രഖ്യാപനങ്ങളൊന്നും തന്നെ ഉണ്ടായിട്ടില്ല. മമ്മൂട്ടിയും റിഷഭും തന്നെയാണോ അതോ മറ്റാരെങ്കിലുമാണോ മികച്ച നടന് വേണ്ടി മത്സരിക്കുക എന്ന് കാത്തിരുന്ന് കാണണം. ദേശീയ പുരസ്‌കാരം എന്നാണ് പ്രഖ്യാപിക്കുക എന്നും വ്യക്തമല്ല.
