ഖത്തര്‍ സ്റ്റാര്‍സ് കപ്പ് ഫുട്ബാള്‍ മത്സരങ്ങള്‍ക്ക് ആഗസ്റ്റ് 30ന് ദോഹയില്‍ തുടക്കമാവും. ടൂര്‍ണമെന്റിലെ മത്സര നറുക്കെടുപ്പ് പൂര്‍ത്തിയാക്കിയതായി ക്യു.എസ്.എല്‍ കോമ്പിറ്റീഷന്‍ ഡയറക്ടര്‍ അഹ്‌മദ് സല്‍മാന്‍ അല്‍ അദ്സാനി അറിയിച്ചു.
ചാമ്പ്യന്‍ ക്ലബായ അല്‍ സദ്ദ് ക്യൂ.എസ്.എല്‍ കപ്പില്‍ പങ്കെടുക്കുന്നില്ല. ഖത്തര്‍ സ്റ്റാര്‍സ് ലീഗ് ക്ലബുകള്‍ മാറ്റുരക്കുന്ന ചാമ്പ്യന്‍ഷിപ്പാണ് സ്റ്റാര്‍സ് കപ്പ്. റൗണ്ട് റോബിന്‍ അടിസ്ഥാനത്തിലാണ് മത്സരങ്ങള്‍.
