top news
ഡാം തകര്‍ന്ന് വീടുകളും കൃഷിയിടങ്ങളും വാഹനങ്ങളും ഒഴുകിപ്പോയി; എഴുപതിലേറെ മരണം, നിരവധി പേരെ കാണാനില്ല
കെയ്‌റോ: സുഡാനില്‍ കനത്ത മഴയെത്തുടര്‍ന്ന് അണക്കെട്ട് തകര്‍ന്ന് ഒട്ടേറെപ്പേര്‍ മരിച്ചതായി റിപ്പോര്‍ട്ട്. നിരവധി പേരെ കാണാതായി. അറുപതോളം പേര്‍ മരിച്ചെന്നാണ് ബി ബി സി റിപ്പോര്‍ട്ട് ചെയ്തത്. മരണനിരക്ക് ഉയര്‍ന്നേക്കാനാണ് സാധ്യത. സുഡാനില്‍ നിന്ന് നാല്‍പത് കിലോമീറ്റര്‍ അകലെയുള്ള അര്‍ബാദ് ഡാമാണ് തകര്‍ന്നത്. രണ്ടരക്കോടി ക്യുബിക് മീറ്റര്‍ ശേഷിയുള്ളതാണ് അണക്കെട്ട്. വാഹനങ്ങളിലും മറ്റും ആളുകള്‍ കുടുങ്ങിക്കിടക്കുന്നുണ്ട്. ശനിയാഴ്ച വൈകീട്ടോടെയാണ് അണക്കെട്ട് തകര്‍ന്നതെന്നാണ് വിവരം. ഇന്റര്‍നെറ്റ് തകരാറിലായതോടെ ആശയവിനിമയവും തകിടംമറിഞ്ഞു. കുടുങ്ങിക്കിടക്കുന്നവരെ രക്ഷപ്പെടുത്താന്‍ ശ്രമം തുടരുകയാണ്.
