സിനിമ മേഖലയിലെ ആരോപണം, പാര്‍ട്ടി പിന്തുണച്ചില്ലെന്ന് എം മുകേഷ് എംഎല്‍എ. സിപിഐഎം പിന്തുണ ലഭിച്ചില്ല. പ്രതിപക്ഷ ആരോപണങ്ങളില്‍ പാര്‍ട്ടി പിന്തുണ ലഭിച്ചില്ല. കൊല്ലം ജില്ലാ സെക്രട്ടേറിയറ്റിലെ വിമര്‍ശനങ്ങള്‍ക്ക് പിന്നാലെയാണ് പരാതി നേതൃത്വത്തെ അറിയിച്ചിരിക്കുന്നത്. സിപിഐഎം എംഎല്‍എ ആയത് കൊണ്ടുമാത്രമാണ് ആരോപണങ്ങള്‍ ഉയരുന്നതെന്ന് മുകേഷ് പറഞ്ഞു.
അതേസമയം ലൈംഗികാതിക്രമ പരാതികളില്‍ എം. മുകേഷ് എംഎല്‍എയുടെ രാജി ആവശ്യപ്പെട്ട് പ്രതിഷേധം ശക്തമാക്കി പ്രതിപക്ഷ സംഘടനകള്‍. കൊല്ലം ആനന്ദവല്ലീശ്വരത്തെ എം.എം.എ ഓഫീസിലേക്ക് ആര്‍വൈഎഫ് നടത്തിയ മാര്‍ച്ച് നേരിയ സംഘര്‍ഷത്തില്‍ കലാശിച്ചിട്ടുണ്ട്.
മാര്‍ച്ച് ബാരിക്കേഡ് ഉപയോഗിച്ച് തടഞ്ഞതോടെ പൊലീസും പ്രവര്‍ത്തകരും തമ്മില്‍ ഇന്തും തള്ളുമുണ്ടായി. പോലീസിന് നേരെ പ്രതിഷേധക്കാര്‍ കല്ലും ചെരുപ്പും എറിഞ്ഞു. റോഡില്‍ സ്ഥാപിച്ചിരുന്ന എംഎല്‍എ ഓഫീസിന്റെ ബോര്‍ഡ് നശിപ്പിച്ചു. യുഡിഎഫും എംഎല്‍എ ഓഫീസിലേക്ക് മാര്‍ച്ച് നടത്തിയിരുന്നു. മഹിളാ മോര്‍ച്ചയുടെ മാര്‍ച്ച് പോലീസ് തടഞ്ഞതോടെ പ്രതിഷേധക്കാര്‍ റോഡ് ഉപരോധിച്ചു. പ്രവര്‍ത്തകരെ പോലീസ് അറസ്റ്റ് ചെയ്ത് നീക്കി.
