കോഴിക്കോട് : ട്രസ്റ്റ്‌ 93 ഫൗണ്ടേഷൻ മൂന്നാമത് സൂസൻ എം തോമസ് സ്മാരക സ്കോളർഷിപ് വിതരണം സിൽവർ ഹിൽസ് ഹയർ സെക്കന്ററി സ്കൂളിൽ നടന്നു. അതോടൊപ്പം നശാന എംസി യുടെ ഉള്ളം കിനിയുമ്പോൾ എന്ന കവിതാ സമാഹാരത്തിന്റെ പ്രകാശനം കവിയും ഗാനരചയിതാവുമായ പികെ ഗോപി നിർവഹിച്ചു. ട്രസ്റ്റ്‌ ചെയർമാൻ റിതീഷ് കണ്ണോത്ത് അധ്യക്ഷനായിരുന്നു.സിൽവർ ഹിൽസ് എച്ച് എസ് എസ് പ്രിൻസിപ്പാൾ ഫാദർ ജോൺ മണ്ണാറത്തറ, ഐ സി ജെ ഡയറക്ടർ വി ഇ ബാലകൃഷ്ണൻ, പ്രൊഫസർ ബിന്ദു ആമാട്ട്, ഫാദർ മാത്യു എടക്കര, ഡി ഇ ഒ ഷാദിയാ ഭാനു, ഗോപേഷ്, ബാബു തോമസ്, രഞ്ജിത്ത് നെടുങ്ങാടി എന്നിവർ സംസാരിച്ചു.
