top news
മുകേഷ് രണ്ട് ദിവസത്തിനകം രാജിവെക്കണം, ഇല്ലെങ്കില്‍ എ കെ ജി സെന്ററിന് മുന്നില്‍ പ്രതിഷേധിക്കും : കെ അജിത
കോഴിക്കോട് : ലൈംഗികാതിക്ര കേസിലുള്‍പ്പെട്ട എം മുകേഷ് എം എല്‍ എ രണ്ട് ദിവസത്തിനുള്ളില്‍ രാജിവെച്ചില്ലെങ്കില്‍ എ കെ ജി സെന്ററിന് മുന്നില്‍ പ്രതിഷേധിക്കുമെന്ന് ആക്ടിവിസ്റ്റും മനുഷ്യാവകാശപ്രവര്‍ത്തകയുമായ കെ അജിത. വേട്ടക്കാരെ സംരക്ഷിക്കുന്ന നിലപാട് ഇടതുസര്‍ക്കാര്‍ സ്വീകരിക്കരുതെന്നും ഇതുവരെയുള്ള നല്ല ചില പ്രവര്‍ത്തനങ്ങള്‍ മുഴുവന്‍ ഇല്ലാതാക്കുന്നതാണ് മുകേഷിനെ സംരക്ഷിക്കുന്ന സര്‍ക്കാറിന്റെ നിലപാടെന്നും അജിത വിമര്‍ശിച്ചു. ആരോപണം ഉയര്‍ന്നാല്‍ പൊതുപ്രവര്‍ത്തകര്‍ സ്ഥാനങ്ങളില്‍ നിന്ന് പുറത്തുപോകുന്ന കീഴ് വഴക്കം തിരിച്ചുവരണം. മുകേഷിന്റെ രാജി ആവശ്യപ്പെട്ടു കൊണ്ട് സ്ത്രീപക്ഷ പ്രവര്‍ത്തകരുടെ കൂട്ടായ്മ സി പി എം, സി പി ഐ സംസ്ഥാന, ദേശീയ നേതാക്കള്‍ക്ക് കത്തയച്ചിട്ടുണ്ടെന്നും അജിത വ്യക്തമാക്കി.
ഈ ലിങ്ക് വഴി ഇ ന്യൂസ് വാര്‍ത്താ ഗ്രൂപ്പില്‍ ജോയിന്‍ ചെയ്യാം https://chat.whatsapp.com/GWCxVhupXM1JzhuzKNnTGz
