കൊച്ചി: നെടുമ്പാശ്ശേരിയിലെ കൊച്ചി അന്താരാഷ്ട്ര വിമാനത്താവളത്തിന് മുന് മുഖ്യമന്ത്രി കെ കരുണാകരന്റെ പേര് നല്കണമെന്ന ആവശ്യം വീണ്ടും സജീവമാകുന്നു. നിയമസഭ തെരഞ്ഞെടുപ്പിന് മുന്നോടിയായി യുഡിഎഫ് പുറത്തിറക്കിയ പ്രകടനപത്രികയിലെ പ്രധാന വാഗ്ദാനങ്ങളിലൊന്നായിരുന്നു ഇത്. വിമാനത്താവളത്തിന്റെ പ്രാരംഭ ഘട്ടത്തില് പദ്ധതി യാഥാര്ഥ്യമാക്കാന് രാഷ്ട്രീയമായി നേതൃത്വം നല്കിയ കെ കരുണാകരന്റെ സംഭാവനകളെ മുന്നിര്ത്തിയാണ് ഈ നീക്കം.
കഴിഞ്ഞ ഒന്നര പതിറ്റാണ്ടിനിടെ പലതവണ ഈ ആവശ്യം ഉയര്ന്നിട്ടുണ്ടെങ്കിലും ശിപാര്ശ ഘട്ടത്തിനപ്പുറത്തേക്ക് കാര്യങ്ങള് നീങ്ങിയിരുന്നില്ല. എന്നാല് സംസ്ഥാനത്ത് അധികാരത്തിലെത്തിയ പുതിയ യുഡിഎഫ് സര്ക്കാരില് സിയാല് ബോര്ഡിന്റെ ചെയര്മാന് സ്ഥാനം കൂടി വഹിക്കുന്ന മുഖ്യമന്ത്രി വിഡി സതീശന് കൊച്ചി മേഖലയില് നിന്നുള്ള ആളാണെന്നത് ഈ ആവശ്യത്തിന് കൂടുതല് സാധ്യത കല്പ്പിക്കുന്നു.
