തിരുവനന്തപുരം: കശുവണ്ടി അഴിമതി കേസിലെ ഒന്നാം പ്രതിയായ കശുവണ്ടി വികസന കോര്പ്പറേഷന്റെ മുന് മാനേജിങ് ഡയറക്ടര് കെ എ രതീഷ് ഖാദി ബോര്ഡ് സെക്രട്ടറി സ്ഥാനം രാജിവച്ചു. കശുവണ്ടി അഴിമതി കേസില് പ്രതിയായ രതീഷ് സുപ്രധാന പദവിയില് തുടരുന്നത് ഹൈക്കോടതി രൂക്ഷ വിമര്ശിച്ചിരുന്നു. ഇതിനു പിന്നാലെ രതീഷിനോട് രാജിവയ്ക്കാന് മുഖ്യമന്ത്രി ആവശ്യപ്പെടുകയായിരുന്നു. തുടര്ന്നാണ് കെ എ രതീഷ് രാജിവെച്ചിരിക്കുന്നത്.
ഖാദി ബോര്ഡ് സെക്രട്ടറി സ്ഥാനത്തോടൊപ്പം കേരള സംസ്ഥാന ഗ്രാമീണ വനിതാ ഇലക്ട്രോണിക്സ് വ്യാവസായിക സഹകരണ ഫെഡറേഷന് ലിമിറ്റഡ് മാനേജിങ് ഡയറക്ടര്, കേരള ഖാദി തൊഴിലാളി ക്ഷേമനിധി ബോര്ഡ് ചീഫ് എക്സിക്യൂട്ടീവ് ഓഫീസര് എന്നീ പദവികളിലും കെ എ രതീഷ് പ്രവര്ത്തിക്കുന്നുണ്ട്.കെ എ രതീഷ് മൂന്ന് സ്ഥാപനങ്ങളുടെ തലപ്പത്ത് തുടരുന്നത് ചൂണ്ടിക്കാട്ടിയാണ് ഹൈക്കോടതിയുടെ ഈ വിമര്ശനം .
