കോഴിക്കോട്: ഭർത്താവ് കഴുത്തറുത്ത് കൊല്ലാൻ ശ്രമിച്ച ഭാര്യ ചികിത്സയിലിരിക്കെ മരിച്ചു. മലപ്പുറം എടക്കര പാർളി സ്വദേശി കുണ്ടൂപറമ്പിൽ സലീന (42) ആണ് മരിച്ചത്. 13ന് രാത്രിയാണ് സംഭവം. ഭർത്താവ് മേപ്പയൂർ സ്വദേശി പത്താംകാവുങ്ങൾ കെ.വി. അഷ്റഫിനെ (38) അന്നുതന്നെ കസബ പൊലീസ് അറസ്റ്റുചെയ്തിരുന്നു.
കോഴിക്കോട് മാവൂർ റോഡിലെ ലോഡ്ജിൽ മുറിയെടുത്ത് താസിക്കവെ രാത്രി 10.45 ഒാടെ വഴക്കിട്ട് അഷ്റഫ് കത്തിയുപയോഗിച്ച് സലീനയുടെ കഴുത്തറുക്കാൻ ശ്രമിക്കുകയായിരുന്നു. സലീന നിലവിളിച്ചതോടെ ആളുകൾ കൂടി. പരിക്കേറ്റ സലീന ഒറ്റക്കാണ് ഓട്ടോയിൽ ആശുപത്രിയിലെത്തിയത്. ബോധരഹിതയാവുന്നതിനുമുമ്പ് ഭർത്താവാണ് തന്‍റെ കഴുത്തിൽ കത്തിയുപയോഗിച്ച് പരിക്കേൽപിച്ചതെന്ന് ഇവർ ആശുപത്രിയിൽ എഴുതി നൽകുകയും ചെയ്തിരുന്നു.
ആക്രമണം നടക്കുേമ്പാൾ ഒന്നരവയസുകളള മകൾ അഫ്രിനും ഇവർക്കൊപ്പമുണ്ടായിരുന്നു. മെഡിക്കൽ കോളജ് വെൻറിലേറ്ററിലായിരുന്ന സലീന ശനിയാഴ്ച പകൽ 11.45 ഓടെയാണ് മരിച്ചത്. മൃതദേഹം പോസ്റ്റുമോർട്ടത്തിനായി മോർച്ചറിയിൽ സൂക്ഷിച്ചിരിക്കയാണ്.
നിലമ്പൂർ സ്പ്രിൻസ് ഇൻറർ നാഷണ സ്കൂൾ അഞ്ചാംതരം വിദ്യാർഥി അനീഖ് റയാൻ മകനാണ്. പിതാവ് യൂസുഫ്. മാതാവ്: സുബൈദ. സഹോദരങ്ങൾ: ഫെമിന, സെറീന, ഷമീർ.
