തിരുവനന്തപുരം: വെങ്ങാനൂര് പൗര്ണമിക്കാവ് ക്ഷേത്രത്തില് തുലാഭാരച്ചടങ്ങിനിടയില് ത്രാസ് പൊട്ടിവീണ് വി മുരളീധരന് എംഎല്എയുടെ കാലിന് പരിക്ക്പറ്റി. അപകടത്തെ തുടര്ന്ന് അദ്ദേഹത്തെ ആനയറയിലെ സ്വകാര്യ ആശുപത്രിയിലെത്തിച്ചു.പരിശോധനയില് കാലിന് പൊട്ടലുകള് ഒന്നും ഇല്ല ചതവ് മാത്രമാണ് ഉണ്ടായതെന്നും തെളിഞ്ഞു. ചികിത്സയ്ക്ക് ശേഷം അദ്ദേഹം വീട്ടിലേക്ക് മടങ്ങി. ബുധനാഴ്ച രാത്രി എട്ടരയോടെയാണ് സംഭവം ക്ഷേത്രത്തിലെ പ്രധാന ദേവിക്ക് മുന്നില് നടത്തിയ തുലാഭാരത്തിനിടെയാണ് ത്രാസിന്റെ കയര് പൊട്ടിയത്. കപ്പപ്പഴം ഉപയോഗിച്ചുള്ള തുലാഭാരമാണ് അദ്ദേഹം നടത്തിയത്.ത്രാസ് താഴേക്ക് പതിച്ച് അദ്ദേഹത്തിന്റെ വലതുകാലില് സാരമായ ചതവേല്ക്കുകയായിരുന്നു. മറ്റ് ബുദ്ധിമുട്ടുകളുണ്ടായില്ലെന്നും അറിയിച്ചു.
