മുക്കം. കാരശേരി പഞ്ചായത്തിലെ തോട്ടക്കാടിൽ ചെന്നായയുടെ ആക്രമണത്തിൽ നാലുപേർക്ക് പരിക്ക്. തൃശൂർ കോളനിയിൽ
ചൊവ്വാഴ്ച രാത്രി എട്ട് മണിയോടെ വീടുകളിൽ കയറിയാണ് ഇവരെ ചെന്നായകടിച്ച്പരിക്കേൽപ്പിച്ചത്.
മുണ്ടയിൽ മാണി ,വടക്കേടത്ത് രാജു ,
കരിമ്പിൽ ബിനു,പാലകുളങ്ങര ശ്രീരാജ് എന്നിവർക്കാണ് പരിക്കേറ്റത്.
നാലു പേരും കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സ തേടി. വനാതിർത്തിയോട് ചേർന്ന് കിടക്കുന്ന പ്രദേശമാണ് തോട്ടക്കാട് തൃശൂർ കോളനി. 2 വർഷം മുൻപ് ഈ പ്രദേശത്ത് ചെന്നായ്ക്കളെ കണ്ടതായി നാട്ടുകാർ പറയുന്നു. പിന്നീട് ഇപ്പോഴാണ് കാണുന്നത്. രാത്രി സമയത്തുള്ള ആക്രമണത്തിൽ പ്രദേശവാസികൾ വലിയ ഭീതിയിലാണിപ്പോൾ .
