കോഴിക്കോട്: തൊണ്ടയാട് ബൈപ്പാസില്‍ കാട്ടുപന്നി കുറുകെ ചാടിയതിനെ തുടര്‍ന്നുണ്ടായ വാഹനാപകടത്തില്‍ ഒരാള്‍ മരിച്ചു. ചേളന്നൂര്‍ സ്വദേശി സിദ്ദിഖ് (33) ആണ് മരിച്ചത്.
നിയന്ത്രണം വിട്ട വാഹനം മറ്റൊരു വാഹനത്തിലിടിച്ചാണ് മരണം. നാല് പേര്‍ക്ക് പരിക്കേറ്റു. വ്യാഴാഴ്ച പുലര്‍ച്ചെ 4.30 ഓടെയായിരുന്നു അപകടം.
തൃശൂര്‍ ഭാഗത്തേക്ക് പോവുകയായിരുന്ന ഓമ്‌നി വാനും എതിരെ വന്ന പിക്കപ്പ് വാനും കൂട്ടിയിടിച്ചായിരുന്നു അപകടം. പന്നിയെ ഇടിച്ച പിക്കപ്പ് നിയന്ത്രണം വിട്ട ഓമ്‌നിയില്‍ ഇടിച്ചു കയറി. സിദ്ദിഖ് ഓമ്‌നിയിലായിരുന്നു.
