കോഴിക്കോട്: നടക്കാവ് എം.ഇ.എസ് വിമൻസ്കോളജിൽ 31 വർഷം മുമ്പ് പ്രീഡിഗ്രിക്ക് പഠിച്ച വിദ്യാർഥികൾ ഒത്തുചേർന്നു. 45 പഴയകാല സഹപാഠികളാണ് പാരമൗണ്ട് ടവർ ഹോട്ടലിൽ പഴയകാല ഓർമകളുമായി സംഗമിച്ചത്. കൂട്ടത്തിൽ പഠിച്ച പ്രശസ്തഗായിക സിന്ധുപ്രേംകുമാർ, കായികതാരം രഹ്ന ബീഗം എന്നിവരെ ആദരിച്ചു. എഴുത്തുകാരി കെ. പി. സുധീര ചടങ്ങ് ഉദ്ഘാടനം ചെയ്തു. ജീവിതപാഠങ്ങൾ പഠിച്ച് ജയിച്ചുവന്നവരാണ് നമ്മളെന്നും വീണ്ടും ഒത്തുചേരാൻ അവസരം ലഭിച്ചത് ഭാഗ്യമാണെന്നും അവർ പറഞ്ഞു. ഷൈനി വൽസൺ, സന്ധ്യ, മൃദുല, ഷൈനി വിനോദ് എന്നിവർ സംസാരിച്ചു. രഹ്ന ബീഗം അധ്യക്ഷത വഹിച്ചു. വി. പി. സബിത സ്വാഗതം പറഞ്ഞു. കലാവിരുന്നും അരങ്ങേറി.
mes old students
മൂന്ന് പതിറ്റാണ്ട് മുമ്പ് നടക്കാവ് എം.ഇ.എസ് വിമൻസ്കോളജ് പ്രീഡിഗ്രി വിദ്യാർഥികൾ ഒത്തുചേർന്നപ്പോൾ
