വന്ദേ ഭാരത് എക്സ്പ്രസിലെ യാത്രക്കിടെ ടിക്കറ്റ് എക്‌സാമിനര്‍ മോശമായി പെരുമാറിയെന്നു എഎന്‍ ഷംസീര്‍. ടിക്കറ്റ് എക്‌സാമിനര്‍ക്കെതിരെ സതേണ്‍ റയില്‍വേക്ക് സ്പീക്കര്‍ പരാതി നല്‍കിയിട്ടുണ്ട്. ചീഫ് ടിടിഇ ജി.എസ് പത്മകുമാറിനെതിരെ ആണ് പരാതി നല്‍കിയിരിക്കുന്നത്. 30ന് കാസര്‍കോട് നിന്ന് തിരുവനന്തപുരത്തേക്ക് വന്ന വന്ദേ ഭാരത് എക്സ്പ്രസിലാണ് സംഭവം.
എക്‌സിക്യുട്ടീവ് കോച്ചിലായിരുന്നു സ്പീക്കര്‍ എഎന്‍ ഷംസീര്‍ യാത്ര ചെയ്തിരുന്നത്. ഇതേ കോച്ചില്‍ ഷംസീറിന്റെ സുഹൃത്തും ഒപ്പം ഉണ്ടായിരുന്നു. ചെയര്‍ കാര്‍ ടിക്കറ്റ്‌റ് മാത്രമുണ്ടായിരുന്ന സുഹൃത്തിനോട് ടി ടി ഇ, എക്‌സിക്യൂട്ടീവ് കോച്ചില്‍ നിന്നും മാറണമെന്ന് ആവശ്യപ്പെടുകയായിരുന്നു. എന്നാല്‍ സുഹൃത്താണെന്നും കണ്ടപ്പോള്‍ സംസാരിക്കാന്‍ ഇരുന്നതെന്നും സ്പീകര്‍ പറഞ്ഞു. പക്ഷെ ടി ടി ഇ ഇതിനു വഴങ്ങിയില്ലെന്നും, അപമര്യാദയായി പെരുമാറി എന്നും സ്പീക്കര്‍ ആരോപിച്ചു. തുടര്‍ന്ന് ടിടിഇക്കെതിരെ പരാതി നല്‍കുകയായിരുന്നു.
ഈ ലിങ്ക് വഴി ഇ ന്യൂസ് വാര്‍ത്താ ഗ്രൂപ്പില്‍ ജോയിന്‍ ചെയ്യാം https://chat.whatsapp.com/GWCxVhupXM1JzhuzKNnTGz
