ഇന്‍സ്റ്റഗ്രാം ഫോളോവേഴ്‌സിന്റെ കാര്യത്തില്‍ പ്രധാനമന്ത്രിയെ മറികടന്ന് ബോളിവുഡ് നടി ശ്രദ്ധ കപൂര്‍. 91.4 മില്യണ്‍ ഫോളോവേഴ്‌സാണ് ഇന്‍സ്റ്റഗ്രാമില്‍ ശ്രദ്ധ കപൂറിന് നിലവിലുള്ളത്. 91.3 മില്യണ്‍ പേരാണ് ഇന്‍സ്റ്റഗ്രാമില്‍ മോദിയെ പിന്തുടരുന്നത്. മറ്റൊരു സാമൂഹിക മാധ്യമ പ്ലാറ്റ്‌ഫോമായ എക്‌സില്‍ ഏറ്റവുമധികം ഫോളോവേഴ്‌സുള്ള ലോകനേതാവാണ് മോദി. 101.2 മില്യണിലധികം പേരാണ് മോദിയെ എക്‌സില്‍ പിന്തുടരുന്നത്. എക്‌സിലെ ഫോളോവേഴ്‌സിന്റെ എണ്ണത്തില്‍ യു എസ് പ്രസിഡന്റ് ജോ ബൈഡന്‍, ദുബായ് ഭരണാധികാരി ശൈഖ് മുഹമ്മദ്, ഫ്രാന്‍സിസ് മാര്‍പാപ്പ എന്നിവരേക്കാള്‍ മോദി ബഹുദൂരം മുന്നിലാണ്.
ഇന്‍സ്റ്റഗ്രാമില്‍ ഏറ്റവുമധികം ഫോളോവേഴ്‌സുള്ള മൂന്നാമത്തെ ഇന്ത്യന്‍ സെലിബ്രിറ്റിയാണ് ശ്രദ്ധ കപൂര്‍. ക്രിക്കറ്റ് താരം വിരാട് കോഹ്ലിയും നടി പ്രിയങ്ക ചോപ്രയുമാണ് ശ്രദ്ധ കപൂറിന് മുന്നിലുള്ള ഇന്ത്യക്കാര്‍. ഓഗസ്റ്റ് 15ന് റിലീസ് ചെയ്ത സ്ത്രീ 2 സിനിമയുടെ വിജയത്തിന് പിന്നാലെയാണ് ശ്രദ്ധ കപൂറിന് പുതിയ നേട്ടം.
വിരാട് കോഹ്ലിക്ക് ഇന്‍സ്റ്റഗ്രാമില്‍ 271 മില്യണ്‍ ഫോളോവേഴ്‌സും പ്രിയങ്ക ചോപ്രയ്ക്ക് 91.8 ഫോളോവേഴ്‌സുമാണുള്ളത്.
