കോഴിക്കോട് : സ്കൂൾ വിദ്യാർത്ഥിനിക്കെതിരെ ലൈംഗികാതിക്രമം നടത്തിയെന്ന പരാതിയിൽ 53 –കാരനെ ചേവായൂർ പോലീസ് പിടികൂടി. പാലത്ത് വിളക്കാടൻ വീട്ടിൽ ഹർഷൻ (53) നെയാണ് ചേവായൂർ പോലീസ് പോക്സോ നിയമപ്രകാരം അറസ്റ്റ് ചെയ്തത്. ചേവായൂർ പോലീസ് സ്റ്റേഷൻ പരിധിയിലെ എൽ പി സ്കൂളിൽ നാലാം ക്ലാസിൽ പഠിക്കുന്ന പെൺകുട്ടിയോട്, കുട്ടിയുടെ ബന്ധുകൂടിയായ പ്രതി വീട്ടിൽവെച്ച് പലതവണ ലൈംഗികാഅതിക്രമം കാണിക്കുകയായിരുന്നു. ചേവായൂർ പോലീസ് സ്റ്റേഷനിലെ ഇൻസ്പെക്ടർ സജീവൻ, SI അബ്ദുറഹിമാൻ എന്നിവർചേർന്ന് പ്രതിയെ സ്റ്റേഷനിലേക്ക് വിളിച്ചുവരുത്തി അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാന്റെ് ചെയ്തു.
