കോഴിക്കോട് : . സോഷ്യൽ മീഡിയയിൽ മമ്മുട്ടിയുടെയും മോഹൻലാലിന്റെയും സ്വരത്തിൽ സ്വന്തം വീഡിയോ പ്രചരിപ്പിച്ച് സമ്പന്നരായ മധ്യവയസ്ക്കകൾക്ക് വിവാഹ വാഗ്ദാനം നൽകി ലക്ഷങ്ങൾ തട്ടിയ കേസിൽ ബേപ്പൂർ പോലീസ് അറസ്റ്റ് ചെയ്ത ബേപ്പൂർ അരക്കിണർ സ്വദേശി ചാക്കീരിക്കാട് പറമ്പിലെ പ്രസീത ഹൗസിൽ അശ്വിൻ വി.മേനോൻ( 31 ) ഇൻസ്റ്റാഗ്രാമിൽ പോസ്റ്റ് ചെയ്ത വിവരങ്ങളത്രയും വ്യാജമെന്ന് കണ്ടെത്തി. ബേപ്പൂർ ഇൻസ്പെക്ടർ വി. സിജിത്തിന്റെ നേതൃത്വത്തിൽ നടത്തിയ സൈബർ പരിശോധനയിലാണ് തട്ടിപ്പിന്റെ കൂടുതൽ വിവരങ്ങൾ പുറത്തുവന്നത്. ഈ തട്ടിപ്പ് വീരന് ഇൻസ്റ്റാഗ്രാമിൽ പതിനായിരത്തിലധികം ഫോളോവേഴ്സ് ഉണ്ട് . ഫിനാൻഷ്യൽ കൺസൾട്ടന്റ്, ഹെഡ്ഗെ വെൽത്ത് എന്ന കമ്പനിയുടെ സി ഇ ഒ , സക്ക്മെത്ത് റെമഡീസിന്റെ ഡയരക്ടർ , അഹം ആരോഗ്യ ഫൗണ്ടേഷന്റെ സ്ഥാപക ചെയർമാൻ, വ്യവസായി, നിക്ഷേപകൻ, കോർപറേറ്റ് സ്റ്റോക്ക് മാർക്കറ്റ് ട്രെയിനർ തുടങ്ങി വ്യാജ വിവരങ്ങൾ പ്രചരിപ്പിച്ചാണ് , കേവലം ബികോം ബിരുദധാരിയായ പ്രതി സ്ത്രീകളെ വലയിലാക്കി വന്നതെന്ന് അന്വേഷണത്തിൽ കണ്ടെത്തി. ഇൻസ്പെക്ടർ വി. സിജിത്തിന്റെ നേതൃത്വത്തിൽ പഴുതടച്ച അന്വേഷണമാണ് നടക്കുന്നത്. സമാന രീതിയിൽ ദുബൈ പോലീസും അന്വേഷിക്കുന്നുണ്ട്.
Related Articles
December 26, 2023
62
കല്ലാനോട് സ്കൂളിന്റെ പ്രഥമ പ്രധാനധ്യാപകൻ ജോൺ ,പി.മാത്യു പെരിയപ്പുറത്ത് ( 88) നിര്യതനായി
December 9, 2021
207
കോഴിക്കോട് നഗരത്തിൽ വീണ്ടും ലഹരി വേട്ട 2800 ലഹരി ഗുളികകളുമായി യുവാവ് അറസ്റ്റിൽ
Check Also
Close-
സൈബർ തട്ടിപ്പിനിരയായാൽ 48 മണിക്കൂറിനകം പരാതി നൽകണമെന്ന് പോലീസ്
September 1, 2021