KERALA
സംസ്ഥാനത്ത്ഓണക്കിറ്റ് വിതരണം ഓഗസ്റ്റ് 10 മുതല് ആരംഭിക്കുമെന്ന് ഭക്ഷ്യ സിവില് സപ്ലൈസ് വകുപ്പ് മന്ത്രി അനൂപ് ജേക്കബ്
തിരുവനന്തപുരം: സംസ്ഥാനത്ത് ഓണച്ചന്ത ഓഗസ്റ്റ് 8 മുതല് ആരംഭിക്കും. ഓണക്കിറ്റ് വിതരണം ഓഗസ്റ്റ് 10 മുതല് ആരംഭിക്കുമെന്ന് ഭക്ഷ്യ സിവില് സപ്ലൈസ് വകുപ്പ് മന്ത്രി അനൂപ് ജേക്കബ്. 6,09,305 സൗജന്യ ഓണക്കിറ്റുകളാണ് ഇത്തവണ വിതരണം ചെയ്യുന്നത്.മഞ്ഞ റേഷന് കാര്ഡ് (എഎവൈ) ഉടമകള്ക്കും വിവിധ ക്ഷേമസ്ഥാപനങ്ങളിലെ അന്തേവാസികള്ക്കുമാണ് ഇത്തവണ സൗജന്യ ഓണക്കിറ്റ് നല്കുക്.16 ഇനം സാധനങ്ങളാണ് ഓണക്കിറ്റില് ഉണ്ടാവുക. ഓണസദ്യക്കുള്ള എല്ലാ സാധനങ്ങളും കിറ്റിലുണ്ടാവുമെന്ന് മന്ത്രി പറഞ്ഞു. തുണിസഞ്ചി ഉള്പ്പെടെ 16 ഇനം നിത്യോപയോഗ സാധനങ്ങള് അടങ്ങിയ കിറ്റൊന്നിന് ഉദ്ദേശം 854 രൂപയാണ് ചെലവ് കണക്കാക്കുന്നത്. ഓണം ട്രെഡ് ഫെയറുകളും ഓഗസ്റ്റ് 6 മുതല് ആരംഭിക്കും.
കിറ്റ് വിതരണം ഓഗസ്റ്റ് 25-നകം പൂര്ത്തിയാക്കുമെന്നും മന്ത്രി പറഞ്ഞു. ഓണക്കാലം പ്രമാണിച്ച് 1,65,932 മെട്രിക് ടണ് അരിയും 24,506 മെട്രിക് ടണ് ഗോതമ്പും വിപണിയില് എത്തിക്കും. മുന്ഗണനേതര വിഭാഗത്തിന് സ്പെഷല് അരി വിതരണം അടുത്തമാസം ആരംഭിക്കും. നീല കാര്ഡുകാര്ക്ക് 3 കിലോ അരി 10.90 രൂപ നിരക്കിലും രണ്ടു കിലോ ഗോതമ്പ് 8.70 രൂപയ്ക്കും നല്കും.
