കോഴിക്കോട്: കേരള പത്രപ്രവർത്തക യൂണിയൻ സംസ്ഥാന സമിതി അംഗവും ‘മാധ്യമം’ ന്യൂസ് എഡിറ്ററുമായ എൻ. രാജേഷിന്റെ നിര്യാണത്തിൽ കോഴിക്കോട്ടെ മാധ്യമസമൂഹം അനുശോചിച്ചു. കാലിക്കറ്റ് പ്രസ് ക്ലബ്ബ് സംഘടിപ്പിച്ച അനുശോചനയോഗത്തിൽ കോഴിക്കോട്ടെ മാധ്യമപ്രവർത്തകർ രാജേഷിനെ അനുസ്മരിച്ചു. വലുപ്പച്ചെറുപ്പമില്ലാതെ എല്ലാവരുമായും വ്യക്തിബന്ധം സൂക്ഷിച്ചയാളായിരുന്നു എൻ. രാജേഷ് എന്ന് സുഹൃത്തുക്കൾ ഓർമിച്ചു.
എൻ. രാജേഷിന്റെ മരണത്തിലൂടെ തനിക്ക് നഷ്ടപ്പെട്ടത് ജ്യേഷ്ഠനെയും സുഹൃത്തിനെയുമാണെന്ന് നടൻ വിനോദ് കോവൂർ പറഞ്ഞു.
പ്രസ് ക്ലബ് പ്രസിഡൻറ് എം.ഫിറോസ്ഖാൻ അധ്യക്ഷതവഹിച്ചു. ട്രഷറര്‍ ഇ.പി. മുഹമ്മദ് അനുശോചനപ്രമേയം അവതരിപ്പിച്ചു. പ്രസ് അക്കാദമി മുൻ ചെയർമാൻ എൻ.പി.രാജേന്ദ്രൻ, ഐ.പി.ആർ.ഡി ഡെപ്യൂട്ടി ഡയറക്ടർ ഖാദർ പാലാഴി, മുൻ ഡെപ്യൂട്ടി ഡയറക്ടർ ടി.വേലായുധൻ, നവാസ് പൂനൂർ, പി.ജെ.മാത്യു, പി.ജെ.ജോഷ്വ, കമാൽ വരദൂർ, കെ.പ്രേംനാഥ്, കെ.പി. സോഫിയ ബിന്ദ്, കെ.പി. വിജയകുമാർ, പി. വിപുൽനാഥ്, കെ.സി. റിയാസ്, സി.എം. നൗഷാദലി, ടി.കെ. അബ്ദുൽ ഗഫൂർ, എ.പി.സജിഷ, ദീപക് ധർമ്മടം. പി.ഷിമിത്ത്, കെ.എ.സൈഫുദ്ദീൻ, സുഹാസ് പോള, സജിത് കുമാർ, ശ്രീമനോജ് എന്നിവർ സംസാരിച്ചു.
പ്രസ് ക്ലബ് സെക്രട്ടറി പി.എസ്.രാഗേഷ് സ്വാഗതവും ജോയൻറ് സെക്രട്ടറി പി.കെ.സജിത് നന്ദിയും പറഞ്ഞു.
