കോഴിക്കോട് :
കഴിഞ്ഞ രണ്ട് അധ്യയന വർഷങ്ങളിൽ മെഡിക്കൽ കോളേജ് കാമ്പസ് ഗവ.സ്കൂളിൽ നിന്നും വിവിധ മേഖലകളിൽ അനുപമമായ ഉന്നത വിജയം നേടി സ്കൂളിന്റെ യശസ്സ് വാനോളമുയർത്തിയ വിദ്യാർത്ഥികളെ പി ടി എ യുടെ ആഭിമുഖ്യത്തിൽ സ്കൂൾ അങ്കണത്തിൽ അനുമോദിച്ചു. അഡ്വ. സച്ചിൻദേവ് എം എൽ എ ആണ് പരിപാടി ഉൽഘാടനം ചെയതത്. പി ടി എ പ്രസിഡന്റും നഗരസഭ കൗൺസിലറുമായ അഡ്വ. സി.എം. ജംഷീർ അധ്യക്ഷത വഹിച്ചു . വീട്ടരങ്ങ്” ഓൺലൈൻ കലോൽസവ ഉദ്ഘാടനവും പരിപാടിയുടെ you tube launching ഉം നടന്നു. കൗണ്‍സിലര്‍ K മോഹനന്‍ മുഖ്യാതിഥിയായിരുന്നു. കൊവിഡ്കാലത്തെ അടച്ചിലിന്റെ മാനസിക സംഘർഷങ്ങളിൽ നിന്ന് കുട്ടികളെ മോചിപ്പിക്കുക എന്ന ലക്ഷ്യത്തോടെയാണ് “വീട്ടരങ്ങ്” ഓൺലൈൻ കലോൽസവം സംഘടിപ്പിക്കപ്പെട്ടത്. ഈ പരിപാടിയുടെ ഉദ്ഘാടനം ഓൺലൈൻ ആയി നിർവ്വഹിച്ചത് പ്രശസ്ത സിനിമാ താരം ബിജു മേനോനാണ്. ഈ പരിപാടിയുടെ you tube launching നിർവ്വഹിച്ചത് MLA സച്ചിന്‍ ദേവ് ആണ്.
