കൊച്ചി: നടിയെ ആക്രമിച്ച കേസില് കാവ്യാമാധവനെ അന്വേഷണ സംഘം ചോദ്യം ചെയ്യും. തിങ്കളാഴ്ച ആലുവ പോലീസ് ക്ലബ്ബില് ഹാജരാകാന് നോട്ടീസ് നല്കി. കാവ്യയുമായി ബന്ധപ്പെട്ട ചില ഓഡിയോ ക്ലിപ്പുകള് പുറത്തുവന്ന സാഹചര്യത്തിലാണ് ചോദ്യം ചെയ്യല്. നേരത്തെ ഹാജരാകാന് ആവശ്യപ്പെട്ട് നോട്ടീസ് അയച്ചിരുന്നെങ്കിലും സ്ഥലത്തില്ല എന്ന മറുപടിയാണ് പോലീസിന് ലഭിച്ചത്. എന്നാല്, തിങ്കളാഴ്ച ഹാജരാകാന് വീണ്ടും നോട്ടീസ് നല്കുകയായിരുന്നു.
