കോഴിക്കോട് : അത്തോളി കണ്ണിപ്പൊയിലിൽ ആളൊഴിഞ്ഞ പറമ്പിൽ
വെടിയുണ്ടകൾ കണ്ടെത്തി
കണ്ണിപ്പൊയിൽ സുബേദാർ മാധവക്കുറുപ്പ് റോഡിലെ ചെറുവത്ത് പറമ്പിൽ നിന്ന് പഴക്കം ചെന്ന 6 വെടിയുണ്ടകളാണ് കണ്ടെത്തിയത് ചൈതന്യയിൽ ജിതേഷിൻ്റെ കുടുംബ സ്വത്തിൽപ്പെട്ട സ്ഥലത്ത് നിന്നാണ് അയൽവാസിയായ വൈശാഖിൽ സുനീഷ് ചെടിക്ക് നിറയ്ക്കാൻ മതിലിന്മേൽ നിന്നും മണ്ണ് എടുക്കുമ്പോൾ വെടിയുണ്ടകൾ ശ്രദ്ധയിൽപ്പെട്ടത് . ആറിൽ നാലെണ്ണവും ഒടിയാത്തതും രണ്ടെണ്ണം ഒടിഞ്ഞതുമാണ്. പഴയൊരു തെങ്ങിൻ കുറ്റിയുടെ വേരിനോട് ചേർന്നായിരുന്നു ഇവയെ കണ്ടത് . സൈന്യം ഉപയോഗിക്കുന്ന തരത്തിലുള്ള വെടിയുണ്ടകളാണിതെന്ന് സംശയിക്കുന്നു. കോഴിക്കോട് റൂറൽ പോലീസ് ആർമററി വി ങ്ങിൽ നിന്നുള്ള പോലീസ് സംഘം സ്ഥലത്തെത്തി പരിശോധിച്ചു. എ.എസ് ഐ ബെന്നി സ്റ്റാൻലിയുടെ നേതൃത്വത്തിൽ വെടിയുണ്ടകൾ പരിശോധിച്ചു. വെടിയുണ്ടകൾക്ക് വലിയ കാലപ്പഴക്കം ഉള്ളതായി സംഘം സൂചിപ്പിച്ചു. വെടിയുണ്ടകൾ ബോംബു സ്ക്വാഡിന് കൈമാറുമെന്ന് അത്തോളി എസ് ഐ ആർ രാജീവ് പറഞ്ഞു.
ബോംബ് സ്ക്വാഡ് നേരിട്ട് എത്തി സ്ഥലം പരിശോധിക്കുമെന്നും അദ്ദേഹം അറിയിച്ചു.
സംഭവത്തിൽ അത്തോളി പോലീസ് കേസെടുത്ത് അന്വേഷണം ആരംഭിച്ചു .
