കോഴിക്കോട് : റോട്ടറി ഡിസ്ട്രിക്ട് 3204 ക്ലബ്ബ് 2021-22 വർഷത്തെ അവാർഡുകൾ പ്രഖ്യാപിച്ചു . പബ്ലിക്ക് ഇമേജ് അവാർഡ് ജീവൻ ടി വി റീജിനൽ ഹെഡും ചീഫ് റിപ്പോർട്ടറുമായ അജീഷ് അത്തോളി അർഹനായി. റോട്ടറിയുടെ നിരവധി ജീവകാരുണ്യ – സേവന പ്രവർത്തനങ്ങൾ പൊതുജനങ്ങളിലേക്ക് എത്തിച്ചതിനാണ് പുരസ്ക്കാരം. ഹോട്ടൽ ട്രിപ്പന്റയിൽ നടന്ന റോട്ടറി ഡിസ്ട്രിക്ട് അവാർഡ് ദാന ചടങ്ങിൽ റോട്ടറി 3204 ഗവർണ്ണർ – ഡോ . രാജേഷ് സുഭാഷിൽ നിന്നും അവാർഡ് ഏറ്റുവാങ്ങി. മികച്ച ക്ലബ് – റോട്ടറി ക്ലബ്ബ് പയ്യന്നൂർ, മികച്ച പ്രസിഡന്റ് – സന്നാഫ് പാലക്കണ്ടി ( കാലിക്കറ്റ് സൈബർ സിറ്റി) മികച്ച അസിസ്റ്റന്റ് ഗവർണ്ണർ – വി പി അശോകൻ , മികച്ച സെക്രട്ടറി – ഡോ. വി പി ജയശേഖരൻ എന്നിവരും മുൻ ഗവർണ്ണർ ഡോ .രാജേഷ് സുഭാഷിൽ നിന്നും അവാർഡുകൾ ഏറ്റുവാങ്ങി. റോട്ടറി ഡിസ്ട്രിക്ട് – 3204 ഗവർണ്ണർ – പ്രമോദ് നയനാർ മുഖ്യതിഥിയായി. ഡിസ്ട്രിക്റ്റ് ഗവർണ്ണർ ഇലക്ട്റ്റ് – ഡോ. സേതു ശിവ ശങ്കർ, ഡിസ്ട്രിക്റ്റ് ഗവർണ്ണർ നോമിനി – ഡോ. സന്തോഷ് ശ്രീധർ , പ്രോഗ്രാം ചെയർമാൻ ആർ പി സാലി എന്നിവർ സംസാരിച്ചു.
