തിരുവനന്തപുരം : കെഎസ്ആര്ടിസി ബസുകളില് കാന്സര് രോഗികള്ക്ക് നല്കിയിരുന്ന സൗജന്യയാത്ര ആയ’ഹാപ്പി ലോങ് ലൈഫ്’ യുഡിഎഫ് സര്ക്കാര് നിര്ത്തലാക്കിയെന്ന് സിപിഎം ആരോപണം. ഓര്ഡിനറി മുതല് സൂപ്പര്ഫാസ്റ്റ് വരെയുള്ള ബസുകളില് അനുവദിച്ച സൗജന്യയാത്രയും അതിന്റെ ഒപ്പം രോഗിക്ക് ബസില് സീറ്റും ഉറപ്പു നല്കിയതാണ് എന്നാല് ഇപ്പോള് അതാണ് റദ്ദാക്കിയതെന്ന് സിപിഎം ആരോപിച്ചു.ആറ് മാസത്തെ കാലാവധിയിലാണ് ഹാപ്പി ലോങ് ലൈഫ് കാര്ഡുകള് നല്കിയിരുന്നത്. അതുകഴിഞ്ഞാല് വീണ്ടും ഓണ്ലൈനായി അപേക്ഷ നല്കി പുതുക്കണം. എന്നാല് യുഡിഎഫ് സര്ക്കാര് അധികാരത്തില് വന്നതോടെ പുതുക്കി നല്കുന്നത് ഉള്പ്പെടെയുള്ള നടപടികള് നിര്ത്തിവച്ചിരിക്കുകയാണെന്നും പുതിയതായി അപേക്ഷിക്കുന്നവര്ക്ക് കാര്ഡ് ലഭിക്കുന്നില്ലെന്നും സിപിഎം ആരോപിച്ചു.
https://youtu.be/7X-cO0pl4LQ?si=JLAIiVRTCfJSWSRY
