കോഴിക്കോട് : വിമുക്തഭട സംഘടനകളിൽ ഇന്ത്യയിൽ ഒന്നാം സ്ഥാനത്ത് നിൽക്കുന്ന കേരള സ്റ്റേറ്റ് എക്സ് സർവീസസ് ലീഗ് എന്ന വിമുക്തഭട സംഘടനയുടെ ചരിത്രത്തിൽ ആദ്യമായി വടക്കേമലബാറിൽ നിന്നും സംഘടനയുടെ സംസ്ഥാന പ്രസിഡൻ്റായി തിരഞ്ഞെടുക്കപ്പെട്ട ലഫ്. കേണൽ ജയദേവൻ ( റിട്ട) , സംസ്ഥാന ഇലക്ഷൻ കമ്മിഷൻ മെംബർ പ്രകാശൻ എന്നിവർക്ക് ജില്ലാ കമ്മറ്റിയുടെ ആഭിമുഖ്യത്തിൽ വിമുക്തഭട ഭവനിൽ വമ്പിച്ച സ്വീകരണം നൽകി. യോഗത്തിൽ ജില്ലയുടെ വിവിധ ബ്ലോക്കുകളിൽ നിന്നെത്തിയ നേതാക്കൻ പങ്കെടുത്തു. ആക്റ്റിങ് പ്രസിഡൻറ് പി ജയരാജൻ അധ്യക്ഷത 1 വഹിച്ചു . ജില്ലാ സിക്രട്ടറി അജിത്കുമാർ ഇളയിടത്ത് സ്വാഗതം പറഞ്ഞു സംസ്ഥാന GC മെംസർമാരായ മോഹനൻ പട്ടോന , ഇ മാധവൻ നായർ , എ ബാലൻ നായർ , യു ഗംഗാധരൻ , മുക്കാട്ട് രാമചന്ദ്രൻ ബ്ലോക്ക് പ്രസിഡൻറ് മാരായ കെ ചാത്തു വടകര , മേജർ കുഞ്ഞിരാമൻ ( റിട്ട) , അശോകൻ , മനോജ് , നാരായണൻ , മഹിളാ വിംഗ് ജില്ലാ പ്രസിഡൻറ് ഊർമിള രാജഗോപാൽ, സികട്ടറി സുമതി ഗോപിനാഥ് , അമ്മിണി വർമാരാജ, സുജിത മനോജ് എന്നിവർ സംസാരിച്ചു . ട്രഷറൻ സദാനന്ദൻ നന്ദി പ്രകടനം നടത്തി ദേശീയ ഗാനാലാപനത്തോടെ യോഗം അവസാനിച്ചു.
