Politics
ആലപ്പുഴ രക്ഷാപ്രവര്ത്തന കേസ് അട്ടിമറി; എം ആര് അജിത്കുമാറിന് കുരുക്കായത് ഡിജിറ്റല് തെളിവുകള്
തിരുവനന്തപുരം: ആലപ്പുഴയിലെ വിവാദ രക്ഷാ പ്രവര്ത്തന കേസ് അട്ടിമറിയില് എം ആര് അജിത്കുമാറിന് കുരുക്കായത് ഡിജിറ്റല് തെളിവുകള്. കേസ് റഫര് ചെയ്യാന് അന്വേഷണ സംഘത്തിന് നല്കിയ നിര്ദേശമാണ് പ്രധാന തെളിവായത്. കേസ് റഫര് ചെയ്യാന് മുഖ്യമന്ത്രിയുടെ ഓഫീസ് പറഞ്ഞതായാണ് സന്ദേശമയച്ചത്. അന്വേഷണ ഉദ്യോഗസ്ഥരുടെ മൊഴികളും കുരുക്കായി. കേസ് റഫര് ചെയ്യാന് എം ആര് അജിത് കുമാര് നിരന്തരം സമ്മര്ദ്ദം ചെലുത്തിയതായും എസ്ഐടിക്ക് മൊഴി ലഭിച്ചിരുന്നു.
കേസില് കൂടുതല് ഉദ്യോഗസ്ഥര്ക്കെതിരെ നടപടി വരുമെന്നാണ് വിവരം. മൂന്ന് ഡിവൈഎസ്പിമാരെ ഡിജിപി സസ്പെന്ഡ് ചെയ്തേക്കും. ഡിവൈഎസ്പിമാര്ക്ക് എതിരായ നടപടിക്ക് ആഭ്യന്തരമന്ത്രി ശുപാര്ശ ചെയ്തിരുന്നു. രണ്ട് ഗ്രേഡ് എസ്ഐമാര്ക്ക് എതിരെയും നടപടി ഉണ്ടാകും.ഡിജിപി റിപ്പോര്ട്ടിന്റെ അടിസ്ഥാനത്തിലാണ് അജിത് കുമാറിനെതിനെതിരെ നടപടി വന്നത്.
