എൽ ഡി എഫ് സ്ഥാനാർഥിയുടെ ഭാര്യക്ക് നേരെ അക്രമം: കഴുത്ത് ഞെരിച്ച് അപായപ്പെടുത്താൻ ശ്രമം

മുക്കം
നഗരസഭയിലെ അഞ്ചാം ഡിവിഷൻ തോട്ടത്തിൻ കടവിലെ എൽഡിഎഫ് സ്ഥാനാർഥി നൗഫലിൻ്റെ ഭാര്യ
ഷാനിത (25)യെ അക്രമിച്ചു പരിക്കേൽപ്പിച്ചു.കഴുത്ത് ഞെരിച്ച് അപായപ്പെടുത്താനുള്ള ശ്രമത്തിനിടെ
കഴുത്തിന് സാരമായി പരിക്കേറ്റ യുവതിയെ ഓമശേരിയിലെ സ്വകാര്യ ആശുപത്രിയിൽപ്രവേശിപ്പിച്ചു.ഞായറാഴ്ച രാവിലെ ഏഴരയോടെയാണ്സംഭവം.
തിരുവമ്പാടിയിലെ സ്വകാര്യ ലാബിൽ ടെക്നിഷ്യനായി ജോലി ചെയ്യുന്ന യുവതിയെ ലാബിൽ കയറി അക്രമി കഴുത്തുഞെരിക്കുകയായിരുന്നു.ഇവർ ബഹളം വെച്ച തോടെ അക്രമി ഓടി പോയി.നൗഫലിനോട്മര്യാദക്ക് നിൽക്കാൻ പറയണം ഇല്ലെങ്കിൽ അവൻ വിവരമറിയും എന്നും ആക്രോശിച്ചാണ് അക്രമി ലാബിൽ കയറി യുവതിയുടെ കഴുത്ത് ഞെരിച്ചത്.
ലാബിനുള്ളിലേക്ക് ഒരാൾ മാത്രമാണ് കയറിയതെന്നും പുറത്ത് വേറെ ആളു കളുണ്ടായിരുന്നോ എന്ന് അറിയി ല്ലെന്നും ഷാനിത പറഞ്ഞു. രാവിലെ ആയതിനാലും അവധി ദിവസമായതിനാലും പരിസരത്ത് ആളുകളുണ്ടാ യിരുന്നില്ല. കഴിഞ്ഞ ദിവസം ഡിവിഷനിലെ ഒരു സ്വതന്ത്ര സ്ഥാനാർഥിയുടെ നാമനിർദേശ പത്രികാ സൂക്ഷമ പരിശോധനാ സമയത്ത് സാങ്കേതിക പിഴവ് ചൂണ്ടിക്കാട്ടിയതിന് സ്ഥാനാർ ഥിക്ക് പിന്തുണയുമായെത്തിയ ഏതാ നും ബി ജെ പി പ്രവർത്തകർ എൽ ഡി എഫ് പ്രവർത്തകരുമായി വാക്ക് തർക്കമുണ്ടാക്കിയിരുന്നു. ഇതിൻ്റെ തുടർച്ചയായാണോ അക്രമമെന്ന് സംശയിക്കുന്നതായി എൽഡിഎഫ് പ്രവർത്തകർ പറയുന്നു.
തിരുവമ്പാടി പൊലീസിൽ നൽകിയ പരാതിയിൽ അന്വേഷണം ആരംഭിച്ചു.
പ്രദേശത്തെ സി സി ടി വി പൊലീസ്
പരിശോധിച്ചു വരികയാണ്.