മുക്കം: മുക്കം എം.എ.എം.ഒ. കോളേജ് പൂര്വ്വ വിദ്യാര്ഥി സംഗമം ‘മിലാപ്പ്-25’ ജൂലായ് 20-ന് കോളേജ് ക്യാമ്പസില് നടക്കും. ഗ്ലോബല് അലംനി അസോസിയേഷന് നേതൃത്വത്തില് വൈവിധ്യമാര്ന്ന പരിപാടികളോടെയാണ് നാല് പതിറ്റാണ്ടുകളിലായുള്ള പൂര്വ്വ വിദ്യാര്ഥികള് വീണ്ടും ഒത്തുകൂടുന്നത്. രാവിലെ 10.45-ന് തുടങ്ങുന്ന പരിപാടി ചലച്ചിത്രതാരം മറീന മൈക്കിള് കുരിശിങ്കല് ഉദ്ഘാടനം ചെയ്യുമെ ന്ന് സംഘാടകർ വാർത്താ സമ്മേളനത്തിൽ അറിയിച്ചു പ്രിൻസി പ്പാള് ഡോ. ഇ.കെ. സാജിദ് മുഖ്യപ്രഭാഷണം നടത്തും.
അലംനി അംഗങ്ങളുടെ കലാപരിപാടികള്ക്കൊപ്പം തന്നെ, പ്രമുഖ ഗായിക യുംന അജിന്റെ നേതൃത്വത്തില് അരങ്ങേറുന്ന സംഗീതപരിപാടി സംഗമത്തിന് മാറ്റുകൂട്ടും. പ്രസിഡന്റ് അഡ്വ. കെ. മുജീബ് റഹ്മാന് അധ്യക്ഷത വഹിക്കും. ഓര്ഫനേജ് കമ്മിറ്റി പ്രസിഡന്റ് മരക്കാര് ഹാജി ആശംസകള് അര്പ്പിക്കും. കഴിഞ്ഞ 43 വര്ഷങ്ങളിലായി കോളേജില് നിന്ന് പഠിച്ചിറങ്ങിയ പതിനായിരത്തില്പരം പൂര്വ്വ വിദ്യാര്ഥികളുടെ കൂട്ടായ്മയാണ് എം.എ.എം.ഒ. കോളേജ് ഗ്ലോബല് അലംനി അസോസിയേഷന്.
പൂര്വ്വ വിദ്യാര്ഥികള്ക്കിടയിലും മറ്റു അശരണര്ക്കുമായി ലക്ഷക്കണക്കിന് രൂപയുടെ ജീവകാരുണ്യ പ്രവര്ത്തനങ്ങളും അക്കാദമിക, ബോധവത്കരണ പ്രവര്ത്തനങ്ങളും കലാ സാംസ്കാരിക പരിപാടികളും അസോസിയേഷന് സംഘടിപ്പിക്കുന്നുണ്ട്. സിഗ്നല് എന്ന പേരില് കോഴിക്കോട് സിറ്റി ട്രാഫിക് പോലീസിന്റെ സഹകരണത്തോടെ സംഘടിപ്പിക്കുന്ന ഗതാഗത ബോധവത്കരണ പരിപാടി ഏറെ പ്രചാരം നേടി.
ഇന്ത്യയുടെ വിവിധ ഭാഗങ്ങളിലും യു.എ.ഇ., ഖത്തര്, സൗദി അറേബ്യ, ഒമാന്, കുവൈത്ത് എന്നീ ഗള്ഫ് രാജ്യങ്ങളിലുമായുള്ള ചാപ്റ്ററുകളുടെ സഹകരണത്തോടെയാണ് മൂന്ന്് വര്ഷത്തെ ഇടവേളയ്ക്ക് ശേഷം മിലാപ്പ് -25 സംഘടിപ്പിക്കുന്നത്. നാലായിരത്തോളം അംഗങ്ങള് പങ്കെടുക്കുമെന്നാണ് പ്രതീക്ഷ.
മുക്കം മുസ്ലീം ഓര്ഫനേജ് കമ്മിറ്റിക്ക് കീഴില് മുക്കത്തിനടുത്ത് മണാശ്ശേരിയില് 1982-ല് ആണ് മുഹമ്മദ് അബ്ദുറഹ്മാന് മെമ്മോറിയല് ഓര്ഫനേജ് കോളേജ് സ്ഥാപിതമായത്. കാലിക്കറ്റ് സര്വകലാശാലയ്ക്ക് കീഴില് ഒരു ജൂനിയര് കോളേജായിരുന്ന എം.എ.എം.ഒ.യില് ഇന്ന് 11 അണ്ടര് ഗ്രാജ്വേഷന് പ്രോഗ്രാമുകളും 6 പോസ്റ്റ് ഗ്രാജ്വേഷന് പ്രോഗ്രാമുകളുമുണ്ട്.
വാർത്താ സമ്മേളനത്തിൽ ഡോ.കെ.ഇ. സാജിദ് (പ്രിന്സിപ്പാള്, എം.എ.എം.ഒ. കോളെജ്, മുക്കം)
അഡ്വ. മുജീബ് റഹ്മാന് (പ്രസിഡന്റ്, എം.എ.എം.ഒ. കോളേജ് ഗ്ലോബല് അലംനി അസോസിയേഷന്)
അഷ്റഫ് വയലില് (സെക്രട്ടറി, എം.എ.എം.ഒ. കോളേജ് ഗ്ലോബല് അലംനി അസോസിയേഷന്)
എം. എ. അബ്ദുല് അസീസ് അമീന് (ജോ. സെക്രട്ടറി, ഗ്ലോബല് അലംനി അസോസിയേഷന്)
റീന ഗണേശ് (ജോ. സെക്രട്ടറി, ഗ്ലോബല് അലംനി അസോസിയേഷന്) എന്നിവർ പങ്കെടുത്തു.
